Hosea 6:7 - MUKANDA USANDU WA ZAMBI 1975

⁷ O hanatangula usendo chizechene ngwe Alama; hanalingi ni mafwefwe kuli yami.

Mukanda Wa Zambi 1970

⁷ “Muze anjilile mu chifuchi chize naalakenyene, yaashiha Usendo uze nakolesele no ngwe chize alingile Samutu.

Hosea 6:7 Iomraidhean Croise

Ubutukilo 3:11

Zambi yamba ngwenyi, Iya wakulweza ngwenyi, Uselesele uli? Hiwalia ku mutondo uze nakukanjishile ngwami, Kanda uliako, nyi?

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

1 MIANANGANA 17:15

Yalituna yiyulo yenyi, ni usendo wenyi uze akolesele ni tulamba two, ni Shindakenyo yenyi yize waashindakenyene. Akawile yuma yamokomoko mba alumukine atu amokomoko. Embulwile mavungu aze aajingilikile waze te Yehova waambile ngwenyi, Kanda nukaembulula.

Jobe 31:33

nyi hinasweka Utanguko wami kuli atu, ha kuhengeka uhenge wami mu mbunge,

Izaya 24:16

Chize ku masongo a hashi tunevu miaso ya uhaliso, ya uhenya kuli Mukwa Ululi. Hindu yami ngunambe ngwami, Ngunapokieka, ngunapokieka. Lamba liami! Mumu akwa mafwefwe kanalingi ni mafwefwe, ni akwa mafwefwe kanalingi chikolo ni mafwefwe.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 48:8

Kunwachivwile, kunwachinyingikine nilimwe tangwa, chize ku shakulu kajikwile matwi jenu. Mumu nanyingikine ngwami, Munulinga ni mafwefwe anji. Chize ku kusemuka chenu nuli akwa kukolema.

Jeremia 3:7

Hindu nanyonga ngwami, Muze halinga chino cheswe mahiluka kuli yami. Alioze kahilukile, ni yayo wa mahuza Yunda yachimona.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Jeremia 34:18

Waze atangwile usendo wami; kazangile kufunga shimbi ja usendo uze akolesele kumeso jami, apatwile mwana-ngombe nikupalika hakachi ka yihanda yenyi,

Jeremia 5:11

Mumu Yehova kanambe ngwenyi, Munyachi wa Izalele nimunyachi wa Yunda hapwa ni mafwefwe kuli yami pundu.

Jeremia 9:6

Kakulumbieka kupinjisa ha kupinjisa, kakulumbieka kwonga ha kwonga. Kasolo kungunyingika. Chocho kanambe Yehova.

Hosea 5:7

Halinga ni mafwefwe kuli Yehova, mumu hasema ana ja yilambala. Haliapwila makahwa ni kakweji mwaha hamwe ni minda yo.

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

A-ROMA 5:14

Hindu kufwa chayulile, chize kuli Alama ndo kuli Mose, chipwe hali waze kavulumwineko nikulita ni kulifwa cha Utanguko wa Alama, mwenawo Chizulie cha yoze meza.

Shimbi 31:20

Muze mungwahetesa mu chifuchi nalishingile kuli tulamba two mukwaahacho, kuze kunokela yamwa ni wuchi, ha kulia, ha kukuta, ha kutoha, henaho o makatewulukila ku tuzambi tweka, nikutuvumbika, makangulelesa, makatangula usendo wami.

Hebreu 8:9

Kuushi kulita ni usendo uze nakwachile ni tulamba twenu ha tangwa lize naakwachile ku kwoko mukwatwala haze lia chifuchi cha Engitu; mumu kanyongonwene mu usendo wami, kashika naahumbwile, chocho anambe Mwene ngwenyi,