Hosea 6:5 - MUKANDA USANDU WA ZAMBI 1975

⁵ Kashika hinaateta ni aprofeta; hinaashiha ni maliji a mu kanwa liami. Upatwilo wami unatuhuka ngwe pangu.

Mukanda Wa Zambi 1970

⁵ Kashika hingunanutumina akwa munanyi ni maliji jami a ubatwilo ni a kwonona. Chize ngunazange Chinasoloka mwazu ngwe pangu.

Hosea 6:5 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

1 Yitanga Ya Mianangana 14:6

Chocho chapwile muze Ahija wevwile shimbo jenyi ha kunjila ku chikolo yamba ngwenyi, Njila, yena pwo lia Jeroboame. Kuchi te unalihipula ngwe uli pwo weka? Mumu hangutuma kuli yena maliji akalu.

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

1 Yitanga Ya Mianangana 18:17

Ha kumumona Ahabe yamba kuli Eliya ngwenyi, Ena mukwa kupinjisa A-Izalele, kuma yena mwene nyi?

1 Yitanga Ya Mianangana 19:17

Mba yoze masala ku katana ka Hazaele mamushiha kuli Jehu, ni yoze masala ku katana ka Jehu mamushiha kuli Elisha.

1 MIANANGANA 1:16

Yamba kuli iye ngwenyi, Yehova kanambe ngwenyi, Mumu mwe Zambi wakuhi mu Izalele yoze muhasa kumuhula, kashika hiwatuma kuhula kuli Mbale-Zepupe, zambi ya Ekrone, nyi kuchi? Kashika kuchi kukatuka ha muhela haze unapombo; pundu kumuofwa.

2 Sango Ja Mianangana 21:12

Kwejile kuli iye mukanda wa kusoneka kuli profeta Eliya ngwo, Yehova, Zambi ya kalamba ke David kanambe ngwenyi, Mumu kuwendele mu ndako ja tatenu Yehosofate, chipwe mu ndako ja Asa mwanangana wa Yunda,

Jobe 15:30

Kechi kulilamwina ku milima; mulengi muumisa mitombo yenyi; yitemo yenyi muyihehuka ni fuji.

Jobe 34:10

Kashika ngwivwenu, enu akwa yinyingi, chipwe kusuku ni Zambi akalinge ungulungulu, chipwe kusuku ni Mukwa-Ndundo-Jeswe akalinge chize chahenga.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 37:6

Iye kumafumanyisa ululi we ngwe pangu, ni chiyulo che ngwe tangwa ha muchima.

Izaya 11:4

alioze makayula yiswale ni ululi, makapatwila yimbovu a hashi, ni katonde ka. Kumakalamba hashi ni mbwechi ya mu kanwa lienyi, kumakashiha yingulungulu ni mwiku wa mivumbo yenyi.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 1:10

Tangwa lino hinakusa helu lia mavungu ni mawanangana, ukatukule, ukapuzule, ukonwone, ukanungune, ukatunge, ukatumbe.

Jeremia 1:18

Ni yami, tala, ngunakupwisa musono chihunda cha kukolesa, kanda nguji lia utale, kanda ni yipanga ya unengu kulimika ni chifuchi cheswe. Mulimika ni mianangana ja A-Yunda, ni alemu jako, ni asasendote jako ni e atu a mu chifuchi.

Jeremia 13:13

Mba yena muwamba kuli ayo ngwe, Yehova kanambe ngwenyi, Kumungukazalisa akwa chifuchi chino eswe ni kuzengewa, chipwe mianangana waze anatwama ha ngunja ya David, chipwe asasendote, chipwe aprofeta ni waze eswe atwama mu Yerusaleme.

Jeremia 23:29

Yehova kanambe ngwenyi, Liji liami linapu ngwe kahia, ngwe muhato wa kupatula mawe tuyipalupalu.

Jeremia 5:14

Kashika Yehova, Zambi-ya-Tujita kanambe ngwenyi, Mumu o hanambe liji lino ami ngunapwisa maliji jami kahia mu kanwa lie, ni wano atu mapwa kunyi, ni kahia kumukaanongesa.

Ezekiel 11:4

Kashika profeteza kulimika no. Profeteza, yena mwana mutu.

Ezekiel 3:9

Hinakalisa huma lie kuhiana diamante, ngwe liwe lia kahia. Kanda wavwila woma; kanda utatajala ha kutala cho, mumu kapwa munyachi wa yihulia.

Ezekiel 32:18

Mwana mutu, lila mbimbi ha mbunga ya A-Engitu, ukaatume, ni iye ni ana a mapwo a ku mavungu a uhenya, muma mushi lia munomuze, kuli waze akuya ku jondo, ngwe,

Ezekiel 43:3

Usolwelo namwene wapwile ngwe usolwelo uze namwene muze ejile mukwonwona chihunda, ngwe usolwelo uze namwene nawa ku lwiji Chebare, kashika nafulamanyine hashi.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Yilinga 7:31

Muze Mose achimwene, wakomokene ha usolwelo: ni shimbu akundamine mukutala, liji lia Mwene liejile kuli iye,

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

Efesu 6:17

Andenu nawa ngalau ya ulamwino, ni katana ka Spiritu, mwenawo liji lia Zambi.

Hebreu 4:12

Mumu liji lia Zambi mwono likwete, kuliakulinga ni tachi, linambuka kuhiana mukwale, nikutuwa ndo ku kuhandununa cha alma ni spiritu, ni ku makonekeno ni usongosongo, kuliakusa chinyingi ha manyonga ni kukana cha mu mbunge.

Usolwelo 1:16

Iye, ha kwoko lienyi lia chindume wapwile ni matongonoshi shimbiali: ni mu kanwa lienyi mwatuhuka katana wa mukwale kanambuka: ni ku meso jenyi kunapu ngwe tangwa muze mulipanguka ni tachi jalio.

Usolwelo 2:16

Likonyeka kashika; nyi ka, mungwiza kuli yena nikawashi, mungukasa jita no ni katana wa mu kanwa liami.

Usolwelo 9:15

Ni angelo awana aatuswile waze aalulikile kulu ha ola, ni tangwa, ni kakweji, ni mwaka, hanga akashihe chihanda chimuwika cha ku yihanda yitatu ya atu.

Usolwelo 9:21

o kalikonyekeneko ha ungalwe wo, chipwe ha yipandapanda yo, chipwe ha utanji wo, chipwe ha wiji wo.

1 Samuel 13:13

Samuel yamba kuli Saulu ngwenyi, Hiwalinga uhepuke. Kwalingile nikulita ni shimbi ya Yehova Zambi ye yize akwambile. Nyi chocho walinga kachi Yehova wakolesele wanangana we kuli A-Izalele ku miaka ya mutolo.

1 Samuel 15:22

Samuel yamba ngwenyi, Te Yehova kakuwahilila ni milambu ya kulumba ni yitapo, nyi kakuwahilila ni waze mamwononokena? Kwononoka kuchahiana kulambula yitapo. Kupanjika kuchahiana kuhana maji a kuji a mapanga.

1 Samuel 15:32

Henaho Samuel yamba ngwenyi, Neha Agage mwanangana wa A-Amaleke kuno kuli yami. Agage yeza nikuseha. Te kanambe ngwenyi, Usasu wa kufwa hiunapalika.

1 Samuel 15:33

Samuel yamba ngwenyi, Chizechene ngwe katana ke hapwisa mapwo keshi ana, chocho nawa noko mapwa hakachi ka mapwo keshi ana. Samuel yateta Agage tuyipinji kumeso ja Yehova mu Ngilingali.