Hosea 6:3 - MUKANDA USANDU WA ZAMBI 1975

³ Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Mukanda Wa Zambi 1970

³ Twesekenu kunyingika Mwene Zambi. Ngwe chize tangwa liakuvumbuka, Chenacho nawa Zambi mahiluka mukachi ketu. Kumeza kuli yetu ngwe chize vula akutuchikisa hashi, vula musazu ni vula wa chehu.”

Hosea 6:3 Iomraidhean Croise

2 Samuel 23:4

Iye mapwa ngwe pangu lia chimenemene ha kuvumbuka cha tangwa, ni malelwa akuhi, muze mwambu wovu unasoko mu mavu, ha mwalwa upema kulutwe lia vula.

Jobe 29:23

Angutwaminyinyine ngwe kakutwaminyina vula; apakwile makanwa jo ngwe ha vula musazu.

Miaso (Masamu) 19:4

Njiza yo yinatuhuka hashi heswe. Maliji jo hanahete ku masongo a hashi. Mwenamo hasela zuwo lia tangwa.

Miaso (Masamu) 19:6

Kuvumbuka chenyi chaputuka ku songo lia lilu. Kujinga chenyi chakuheta ku masongo jalio. Nichimwe chuma chakuswama ku chivukuminya chenyi.

Miaso (Masamu) 63:8

Mbunge yami kuyakulihanga ni yena. Kwoko lie lia chindume kuliakungujikijisa.

Miaso (Masamu) 65:9

Wakunangisa hashi nikuhinjilaho meya; wakuwahisaho chikolo. Lwiji wa Zambi kazala ni meya; wakwaaha tiliku muze hiwalulika hashi chocho.

Miaso (Masamu) 72:6

Kumakapwila ngwe vula ha mwambu wa kuteta, ngwe kavula ka kutuchikisa mavu.

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Izaya 2:3

Akwa minyachi yinji meza ngwo, Tuyenu tukanduke ku mulundu wa Yehova, ku zuwo lia Zambi ya Yakomba; atulongese ndako jenyi tukende mu majila jenyi. Mumu mwe mu Zaione mumutuhukila shimbi, liji lia Yehova mulituhuka mu Yerusaleme.

Izaya 32:15

Ndo mwilu matuzukwila Spiritu ni puya muyalumuka munda wa chinuno, ni munda wa chinuno maumona ngwe usaki.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Izaya 54:13

Ana je eswe a malunga maalongesa kuli Yehova, ni ana je eswe mapwa ni uhwimino wunji.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Hosea 14:5

Mungukapwa kuli A-Izalele ngwe mume mba makatanda miji ngwe Lebano nikutemuna yitemo ngwe lirio.

Hosea 14:6

Mitango yenyi muyikatanda; upeme wenyi muupwa ngwe wa olevwe, ni lupembo wenyi ngwe wa Lebano.

Hosea 2:20

Mungukakumbata, yami mwene, ni umwenemwene mba kumukanyingika Yehova.

Mika 4:2

Mavungu anji meza nikwamba ngwo, Tatuyenu, tukandukenu ku mulundu wa Yehova, ku zuwo lia Zambi ya Yakomba; atulongese ndako jenyi, tukendele mu majila jenyi; mumu mu Zaione mukukatuhukila shimbi; liji lia Yehova mulikatuhulcila ku Yerusaleme.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Zakaria 10:1

Etenu vula kuli Yehova ha kakweji wa vula musazu. Etenu kuli Yehova mukwa kutanga njaji mukwa kuhana vula wa samakwasa, mukwa kuhana mwambu mu chifuchi.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Mateu 13:11

Iye waakumbulwile, ngwenyi, Yenu hananwehecho kunyingika yijimbikilo ya wanangana wa malilu, alioze o kaahelecho.

Luka 1:78

Mumu ha mbunge ya keke ya Zambi yetu, ku yenayo kucha cha tangwa kwilu muchikacha hali yetu,

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 7:17

Kachi umwe mapala kulinga upale wenyi, kachi makanyingika ha kutwala ku longeso, shina lia kuli Zambi, shina nakuhanjika cha kuli yami mwene.

Yilinga 17:11

Wano apemene kuhiana hi waze ko a mu Tesalonika, se atambwile liji ni mbunge yeswe, nikuhengula mu yisoneko tangwa ha tangwa akamone kachi yino yuma yapwile chocho.

Shimbi 32:2

Longeso liami likasotoke ngwe vula, kuhanjika chami chikapwe ngwe mume, ngwe vula wa kuwayangila ha mwambu wovu, ngwe vula wa chehu ha yiputa.

Hebreu 3:14

Mumu hitwapwa akwa kulianyina ni Kristu, kachi chamwenemwene mutulalaminya ku uputukilo wa ukolelo wetu wa ngú ndo ku songo.

2 Petulu 1:19

Ni yetu, liji lia uprofeto tuli nalio, hanalikolesa kuhiana chikolo; munulinga kanawa nuliononokene ngwe ku ndeya ya kupanguka mu milima, ndo tangwa mulicha, ni mukwa pangu mavumbuka mu mbunge jenu.

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.