Hosea 6:10 - MUKANDA USANDU WA ZAMBI 1975

¹⁰ Mu munyachi wa Izalele hinamona chuma cha lwaji. Ukoi wa Eframe ulimo. Izalele halipihisa.

Mukanda Wa Zambi 1970

¹⁰ Hinamona Chuma cha kuzelwokesa mu Israele. Ayenwe, atu jami haalichisa ene, akombelele mahamba.

Hosea 6:10 Iomraidhean Croise

1 Yitanga Ya Mianangana 12:8

Alioze yambila mana a makulwana aze hamwaha; yafupa mana kuli akweze waze atatukile hamwe nenyi nikumana kumeso jenyi.

1 Yitanga Ya Mianangana 15:30

Yachilinga mumu ha mitonga ya Jeroboame ni yize avulumwishine A-Izalele. Wehile nayo Yehova Zambi ya Izalele atenuke.

1 MIANANGANA 17:7

Chapwile chocho mumu A-Izalele hanavulumuna Yehova Zambi yo, yoze waachijile ku kwoko lia Falau mwanangana wa Engitu ni ku chifuchi chenyi. Hindu o havwila woma mazambi akwo,

Jeremia 18:13

Kashika Yehova kanambe ngwenyi, Hula hakachi ka mavungu, iya hanevu chuma ngwe chino? Mwe *virgem Izalele hanalingi chuma cha lwaji.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Ezekiel 23:5

Ohola yalinga ukoi shimbu achili niwami ni kufwila akwa zango lienyi A-Asuria,

Ezekiel 23:7

Yaaha ukoi wenyi, e apema ahiana hakachi ka A-Asuria, e eswe lume. Yalichisa ni mahamba eswe a waze eswe afwilile.

Hosea 4:11

Ukoi ni vinyu kuyakuchiza mana, ni vinyu yaha nawa.

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Hosea 4:17

Eframe hanalinungu ni mahamba, inwechenu!

Hosea 5:3

Ngunanyingika Eframe, Izalele kahashile kunguswamina, mumu, yena Eframe, hiwalinga ukoi; ena Izalele hiwalichisa.