Hosea 5:9 - MUKANDA USANDU WA ZAMBI 1975

⁹ Eframe muyalumuka ya hululu ha tangwa lia kastigu. Ngunatoweza chuma chize chinakolo hakachi ka minyachi ya Izalele.

Mukanda Wa Zambi 1970

⁹ Tangwa lia kumwesa Aisraele lamba kulineza, maakoonona lume. Aisraele, lamba lino kumulikabwa chamwenemwene!

Hosea 5:9 Iomraidhean Croise

Jobe 12:14

Nyi iye mapuzula niumwe mahasa kutungulula; nyi mayikila mutu muma mumwe niumwe mamwazulwila.

Izaya 37:3

O yamba kuli iye ngwo, Hezekia kanambe ngwenyi, Tangwa lino tangwa lia lamba, tangwa lia kutwamba, tangwa lia sau, mumu ana haheta ku ola ya kusemuka, alioze tachi jakuhi ja kwasema.

Izaya 46:10

Nikulumbununa songo chize ku uputukilo. Chize ku shakulu nakulumbununa yuma kanda ayilinga, nikwamba ngwami, Upale wami muukakola, kumungukalinga chize nafunjikile.

Izaya 48:3

Yuma ya kunyima nayisolwele kushi. Yatuhukile mu kanwa liami, nayambulwile; mba susumuku nayilingile, yapwile.

Izaya 48:5

kashika nanwambulwilileyo chize ku shakulu. Shimbu kanda yipwa nanulwezeleyo, kuchina te munwamba ngwenu, Hamba liami wachilingile, hanji kaponya kami wa kwola, hanji kaponya kami wa kuzuzulula wachitumine.

Izaya 7:16

Mumu shimbu mwana kanda anyingika kulituna chipi ni kutongola chipema, chifuchi cha wano mianangana aali unachikimina muchipwa cha woya.

Hosea 5:12

Kashika napwa kuli Eframe ngwe ndulu, ku munyachi wa Yunda napwa ngwe kafulefule.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Hosea 7:12

Shimbu machiyako mungwatela wanda wami; mungwalimbula hashi ngwe tujila a mu tetela; mungwaaha kastigu ya yitanga yo ya ungulungulu.

Hosea 8:8

Izalele hanamuli; hanayi kulu hakachu ka mavungu, ngwe chisashili.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Amose 7:9

Mungwenyeka manangamo ja Izake, ni mazuwo asandu ja Izalele mungwapwisa a hululu mungukatukila zuwo lia Jeroboame ni katana.

Mika 6:13

Kashika hinaputuka kunulamba ni kunupwisa a hululu ha mukunda wa mitonga yenu.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.