Hosea 5:6 - MUKANDA USANDU WA ZAMBI 1975

⁶ Makaya kufupa Yehova ni mapanga jo ni ngombe jo, alioze kechi kamuwana; mumu hanakatuka kuli ayo.

Mukanda Wa Zambi 1970

⁶ Kaakwanda mapanga jo ni ngombe jo hanga alambule mulambu kuli Mwene Zambi, alioze kuyichi kwakwasa. Keechi kumuwana, mumu hakatuka kulu kuli ayo.

Hosea 5:6 Iomraidhean Croise

Kutuhuka 10:9

Mose yamba ngwenyi, Etu kumutukaya ni twanuke twetu, ni makulwana jetu, ni ana jetu a malunga, ni ana jetu a mapwo, ni yimuna jetu, ni ngombe jetu, kumutukaya no, mumu chatutamba kulingila Yehova chiwanyino.

Yishima 1:28

Mba makangusanyika, alioze yami chichi kukumbulula; mukangufupa chimenemene alioze kuchi kanguwana.

Yishima 15:8

Chitapo cha chingulungulu chapwa chizelwokeso kuli Yehova; alioze kulemba cha mukwa ululi chamuwahila chinji.

Yishima 21:27

Chitapo cha yingulungulu chapwa chizelwokeso; alioze muze machineha ni manyonga a ungulungulu mba chahiana kupiha.

Mwaso Ubema Wahiana 5:6

Nazulwilile mukwa zango liami, alioze aye hanalumuka, hanayi. Mbunge yami yalezumukine ha kuhanjika chenyi. Namufupile, alioze Chamuwanyine; namusanyikine, alioze kangukumbulwile.

Izaya 66:3

Yoze mashiha ngombe kapwa ngwe mukwa kushiha mutu; mukwa kulambula chitapo cha mwanapanga, kapwa ngwe mukwa kumakuna kota ya kawa. Yoze mahana mulambu wa wunga kapwa ngwe mukwa kulambula manyinga a ngulu. Yoze mahana mulambu wa libano wa kwiwuluka kapwa ngwe mukwa kuwahisa kaponya. Wano eswe hatongola majila jo ene; mbunge jo jinawahilila mu yizelwokeso yo.

Jeremia 11:11

Kashika Yehova kanambe ngwenyi, Ngunaneha chipi hali ayo kechi kahasa kuliehacho. Chipwe mateta kuli yami chichi kaapanjika.

Jeremia 11:14

Kashika kanda ulembela vungu lino chipwe kwatetela hanji kwahakwila mumu chichi kapanjika muze mangusanyika ha tangwa lia lamba lio.

Jeremia 14:12

Chipwe malitwamina kulia chichi kwivwa muteto wo. Chipwe malambula milambu ya kulumba ni milambu ya wunga chichi kwatambula alioze mungwanongesa ni katana, ni kapunga, ni chilungo.

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Lungungu 3:44

Hiwalifuka ni lelwa hanga yilemba kuyichi kukuheta.

Ezekiel 8:18

Kashika mungulinga ni ufwatulo. Liso liami kulichi kwavwila vumbi; chichi kaavwila keke. Chipwe mateta ni tachi mu matwi jami, chichi kaapanjika.

Ezekiel 8:6

Aye yamba kuli yami ngwenyi, Mwana mutu, unamono chize analingi? Unamono yino yuma ya lwaji akwa munyachi wa Izalele analingi kuno akanguhume kusuku ni zuwo liami lisandu? Hindu mumona yuma yikwo yahiana yino ni lwaji.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Amose 8:12

Kumakendangana chize ku mbaka ndo ku mbaka, chize ku Norte ndo ku Chivumbuko; kumakazomboka sali ni sali nikufupa liji lia Yehova, alioze kechi kaliwana.

Mika 3:4

Mba kumakateta kuli Yehova alioze aye kechi kaakumbulula. Kumakaaswekela meso jenyi ha mwaka uze mumu yitanga yize halinga yipi.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

Luka 5:16

Alioze wapwile nikuyaya ku puya, nikulembako.

Yoano 7:34

Kumunukangufupa, kunuchi kanguwana: ni kuze nguli kunwahashile kwizako.