Hosea 5:5 - MUKANDA USANDU WA ZAMBI 1975

⁵ Kulengumuka cha Izalele chakumushindakenya kumeso jenyi; Eframe matalinga ni uhie wenyi; Yunda nawa matalinga hamwe no.

Mukanda Wa Zambi 1970

⁵ Kulengumuka cha Aisraele chakwahisa ayo ene. Milonga yo yinaatalingisa ni kwali mbwisa, ni Ayuda kaakulimbuka hamwe no.

Hosea 5:5 Iomraidhean Croise

Yishima 11:21

Kwoko ku kwoko, mutu mupi kechi kasamba; alioze munyachi wa akwa ululi makaapulula.

Yishima 11:5

Ululi wa mutu mungunu muumusongwela mu jila yenyi; alioze chingulungulu makalimbukila mu ungulungulu wenyi.

Yishima 14:32

Mambila chingulungulu mu ungulungulu wenyi; alioze mukwa ululi kali ni kutalatala mu kufwa chenyi;

Yishima 24:16

Mumu mukwa ululi makalimbuka yisuho shimbiali hindu makatuka nawa; alioze yingulungulu kakwanunguna mu lamba.

Yishima 30:13

Kuchili chisemuko—Cho kulizata kumeso! Meso jo a kuhetula Chichize!

Izaya 3:8

Mumu A-Yerusaleme hanatalinga, A-Yunda hanalimbuka; mumu kuhanjika cho ni yitanga yo yapwa ya kulimika ni Yehova, ni kumwihia kwe kumeso ja uhenya wenyi.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Izaya 44:9

Akwa kulinga tuponya kapwa amokomoko; yuma yize yaawahila kuyafumbukile. Yela jo kamwene, kanyingikine. Kumakaakolesa sonyi.

Izaya 59:12

Mumu Utanguko wetu hiwoka kumeso je; milonga yetu kuyakutushindakenya. Utanguko wetu watwama hamwe ni yetu; tunanyingika uhenge wetu.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 14:2

Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Hosea 4:5

Munutalinga ha mwalwa, ni profeta matalinga hamwe ni yenu ha ufuku. Mungwonwona noko.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Hosea 7:10

Kulengumuka cha Izalele chakumushindakenya hindu kahilukile kuli Yehova Zambi yo, chipwe kumufupa ha yino yuma yeswe.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Amose 5:2

Mwe *virgem Izalele halimbuka kechi kakatuka nawa. Hamwehuka mu chifuchi chenyi ni yoze mamuhindwisa wakuhi.

Mateu 23:31

Kashika nwakulishindakenya hali yenwene nuli ana a waze ashihile aprofeta.

Luka 19:22

Yamba kuli iye ngwenyi, Mu kanwa lia yena mwene mungukupatwila, ndungo mupi. Yena wanyingikine ngwe nguli mutu mukalu, nikwanda chize chatumbikile, nikucha chize chakuwile.