Hosea 5:4 - MUKANDA USANDU WA ZAMBI 1975

⁴ Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Mukanda Wa Zambi 1970

⁴ Ungulungulu uze atu haanalingi unaakinji ha kuhiluka kuli Zambi yo. Mahamba kaakwayula, atu kaasolo kutayiza Mwene Zambi.

Hosea 5:4 Iomraidhean Croise

Miaso (Masamu) 78:8

Kuchina mapwa ngwe akako, chisemuko cha pami ni uhulia; chisemuko cha waze kasele mbunge jo kanawa; Spiritu jo kujajikijilile kuli Zambi.

Miaso (Masamu) 9:10

Waze ananyingika jina lie kumafuliela muli yena; mumu yena, Yehova, kushi kwehuka waze akukufupa.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Jeremia 50:38

Kwize changa ha njiji jenyi jikome jeswe. Mumu chifuchi chize chifuchi cha tuponya, hanazaluka ni mahamba jo.

Jeremia 9:24

Alioze yoze malisamba alisambe mumu ha kungusa chinyingi ni ha kungunyingika, yami Yehova mukwa kulinga ni utu, ni chize chinalite, ni ululi hashi. Mumu Yehova kanambe ngwenyi, Nakuwahilila ni yuma yino.

Jeremia 9:6

Kakulumbieka kupinjisa ha kupinjisa, kakulumbieka kwonga ha kwonga. Kasolo kungunyingika. Chocho kanambe Yehova.

Hosea 13:13

Misongo ya kumusema hiyamuheta, alioze aye mwana keshi mana, mumu haliapwila kasolo kupalika ku utuhukilo wa chimbi.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:11

Ukoi ni vinyu kuyakuchiza mana, ni vinyu yaha nawa.

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Hosea 4:14

Chichi kuhana kastigu kuli anenu a mapwo muze malinga ukoi, chipwe ndungi jenu muze malinga utanji; mumu malunga ene kakuhambuluka ni yikoi nikushiha yitapo ni yikoi a ku matembele. Atu keshi mana kumakaonwona.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Hosea 8:11

Mumu Eframe hanokesa yilumbilo ya kuvulumuna, hiyalumuka kuli iye yilumbilo ya shili.

Yoano 16:3

Yino yuma makalinga, mumu kanyingikine Tata, chipwe yami, ka.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

1 Samuel 2:12

Ana ja Eli o apwile atu amokomoko. Kanyingikine Yehova.