Hosea 5:2 - MUKANDA USANDU WA ZAMBI 1975

² Akwa kukolema hatwala kusuku ni yitapo, alioze mungukaakanjisa eswe.

Mukanda Wa Zambi 1970

² ni wina usuku ku limbo lia Akasia; yenu eswe mungukanumwesa lamba.

Hosea 5:2 Iomraidhean Croise

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 29:15

Lamba kuli waze akusweka kusuku ni Yehova kutaka cho, waze ali ni yitanga yo mu milima; kakwamba ngwo, Iya unatumono? Iya unatunyingika?

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 5:3

Yehova, ngwami, meso je kakufupa umwenemwene. Hiwaalamba, alioze kevwile kupiha. Hiwaonwona, alioze kasolo kutambula lufumbo. Hakalisa meso jo kuhiana yimawe. Kasolo kulikonyeka.

Jeremia 6:28

Eswe anapu akwa kukolema a pami, nikwenda ni kulamikiza Kapwa ngwe unengu ni utale, eswe kanalingi ni ungulungulu.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 6:5

Kashika hinaateta ni aprofeta; hinaashiha ni maliji a mu kanwa liami. Upatwilo wami unatuhuka ngwe pangu.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Usolwelo 3:19

Waze eswe ngunaazange nakwaámbila, nakwalamba ha kufumba: sako mbunge yeswe kashika, Ulikonyeke.