Hosea 5:15 - MUKANDA USANDU WA ZAMBI 1975

¹⁵ Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Mukanda Wa Zambi 1970

¹⁵ “Mungukehuka atu jami ndoo ni muze maakatayiza yibi yo, mba maakahiluka ni kungufupa. Mu lamba lio maakangufupa ni mbunge yeswe.”

Hosea 5:15 Iomraidhean Croise

Ubutukilo 42:21

Yaliamba umwe kuli mukwo ni mukwo ngwo, Ha kutwala kuli mwanakwetu hitwahia pundu, mumu twamwene kupinda cha mbunge yenyi muze alembelele kuli yetu, ni yetu kutwapanjikile. Kashika lamba lino hiliatuwana.

2 Sango Ja Mianangana 7:14

nyi atu jami waze hinaaluka jina liami malikehesa, ni kulemba, ni kufupa meso jami, ni kukatuka ku ndako jo jipi, ami mwilu mungupanjika, mungukonekena mutonga wo, munguwuka chifuchi cho.

Jobe 33:27

Memba kumeso ja atu ngwenyi, Navulumwine; nahengesele chize Chinalulama, alioze kangufweteselelecho.

Miaso (Masamu) 107:13

Mba atetele kuli Yehova mu lamba lio. Iye waalamwinyine ku luyinda wo.

Miaso (Masamu) 107:19

Henaho mateta kuli Yehova mu lamba lio. Mba iye maalamwina ku luyinda wo.

Miaso (Masamu) 107:28

Henaho mateta kuli Yehova mu lamba lio, mba iye maachiza ku luyinda wo.

Miaso (Masamu) 107:6

Atetele kuli Yehova mu lamba lio iye waapulwile ku luyinda wo.

Miaso (Masamu) 132:14

Kuno kwene mukupwa uhwimino wami wa mutolo. Kuno kwene mungutwama, mumu kunachizanga.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 78:34

Muze aashihile mba ahulile ha kutwala kuli iye. Ahilukile nikufupa Zambi ni mbunge yeswe.

Miaso (Masamu) 83:16

Zalisa kumeso jo ni sonyi, hanga akafupe jina lia yena Yehova.

Yishima 8:17

Waze akunguzanga ni yami nakwazanga; ni waze akulianga kungufupa manguwana.

Izaya 18:4

Mumu Yehova wambili kuli yami ngwenyi, Kuma kwami kwakutwama munguhwima nikutala, ngwe chivukuminya cha kutemuka ni mwalwa, ngwe lelwa lia mume ha chivukuminya cha kucha.

Izaya 26:16

Mu lamba lio akufupile yena Yehova, alembelelele ni tachi muze te yena unaafumbu.

Izaya 26:21

Mumu Yehova kanakatuka kuma kwenyi, kaneza akafwetese akwa hashi mumu ha uhenge wo. He hashi muhafukula manyinga aze hamwangaho, kuhechi kafuka nawa waze afwileho.

Izaya 26:9

Mbunge yami kuyakukuvwila usona ha ufuku; spiritu yami muchima kuyakukufupa ni tachi. Mumu muze upatwilo we muupwa hashi, mba akwa muno-muze malilongesa ululi.

Jeremia 2:27

Waze akutongola mutondo ngwo, Uli tata. Ku liwe mamba ngwo, Wangusemene. Mumu hangumba nyima, kangutalikishile meso jo. Hindu ha mwaka wa lamba lio kakwamba ngwo, Katuka utulamwine!

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 3:14

Yehova kanambe ngwenyi, Hilukenu enu ana a mafwefwe, mumu yami nguli mukwa kunuyula. Mungunwandanda umuwika ku chihunda aku hanji aali ku munyachi umwe, ni kununeha ku Zaione.

Lungungu 3:40

Twesekenu majila jetu nikwahengula tukahiluke kuli Yehova!

Ezekiel 10:4

Mba muze uhenya wa Yehova hiwakatuka kuli akerupimi nikuya ku chikolo cha zuwo, zuwo liazalile ni lelwa ni yize yazalile ni kupanguka cha uhenya wa Yehova.

Ezekiel 11:23

Uhenya wa Yehova yiukatuka hakachi ka chihunda, yiumana ha mulundu uli sali lia chihunda ku Chivumbuko.

Ezekiel 20:43

Kwenako munukewuluka ndako jenu ni yitanga yenu yeswe yize nwalichishile nayo, mba munukalivwila lwaji yenwene ha mukunda wa yipi yeswe hinwalinga.

Ezekiel 36:31

Henaho munukewuluka ndako jenu jipi ni yitanga yenu yize kuyapemene; mba munukalivwila lwaji ha mukunda wa uhenge wenu ni yitanga yenu ya lwaji.

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Ezekiel 8:6

Aye yamba kuli yami ngwenyi, Mwana mutu, unamono chize analingi? Unamono yino yuma ya lwaji akwa munyachi wa Izalele analingi kuno akanguhume kusuku ni zuwo liami lisandu? Hindu mumona yuma yikwo yahiana yino ni lwaji.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Hosea 5:6

Makaya kufupa Yehova ni mapanga jo ni ngombe jo, alioze kechi kamuwana; mumu hanakatuka kuli ayo.

Mika 1:3

Mumu nyingikenu, Yehova kanakatuka kuma kwenyi, kumakahulumuka ni kuliata ha milundu ya hashi.

Kwalula 21:7

Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Luka 13:25

Muze te mwenya zuwo hakatuka, hajila pito, munuputuka kumana haze nikungongwela ha pito, nikwamba ngwenu, Mwene, Mwene, twazulwile kama; iye makakundulula akambe kuli yenu ngwenyi, Chanunyingikine kuze nunakatuka.

Akwa Kuyula 4:3

Mba A-Izalele atetele kuli Yehova aakwase, mumu Sisera wapwile ni kulakaji livwa a matemba-a-jita a utale; yapinjisa A-Izalele ni uswi makumi aali a miaka.