Hosea 5:13 - MUKANDA USANDU WA ZAMBI 1975

¹³ Muze Eframe hamona musongo wenyi; muze Yunda hamona mbandu yenyi, mba Eframe wayile ku Asuria; yatuma kuli mwanangana wa kulitachika. Alioze aye kahashile kukuwuka chipwe kuwuka mbandu ye.

Mukanda Wa Zambi 1970

¹³ “Muze Israele hamona musongo wenyi, ni Yuda hamona yilonda yenyi, Israele yaya kuli mwanangana wa Asuria hanga aakwase, alioze iye kahashile ko kwahindwisa chibwe kuwuka yilonda yo.

Hosea 5:13 Iomraidhean Croise

1 MIANANGANA 15:19

Pule mwanangana wa Asuria yeza kulimika ni chifuchi, mba Menaheme yahana kuli Pule kanunu ka *talentu ja prata hanga akamukolese mu wanangana.

1 MIANANGANA 15:29

Ha matangwa a Peka mwanangana wa Izalele, Tigelate-Pilesere mwanangana wa Asuria yeza. Yatambula Ijone, ni Abele-Mbete-Maka, ni Janoa, ni Kendeshe, ni Hazore, ni Ngiliate, ni Ngalileya, te chifuchi cheswe cha Napatali. E atu yaambata funge ku Asuria.

1 MIANANGANA 16:7

Chocho Ahaze yatuma tunganda kuli Tigelate-Pilesere mwanangana wa Asuria ngwenyi, Nguli kavumbi kenu kanda mwanenu. Tweyenu nungulamwine ku kwoko lia mwanangana wa Seria, ni ku kwoko lia mwanangana wa Izalele mumu hanangukatukila.

Izaya 3:7

ha tangwa lize mamba ngwenyi, Chichi kupwa mbuki, yami; mumu mu zuwo liami kumushi mbolo hanji uzalo, kuchi kungupwisa kasongo ka atu.

Jeremia 30:12

Mumu Yehova kanambe ngwenyi, Yikola ye kuyishi yitumbo; mbandu ye yipi chikolo.

Ezekiel 23:5

Ohola yalinga ukoi shimbu achili niwami ni kufwila akwa zango lienyi A-Asuria,

Hosea 10:6

Ewa che chuma chene makachimbata ku Asuria akachitenge mulambu kuli mwanangana wa kulitachika. Makakolesa Eframe sonyi; Izalele makevwa sonyi ha punga yenyi.

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Hosea 14:3

A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Hosea 8:9

Mumu hanayi ku Asuria, ngwe chimbulu wa mu yambu wakwenda ukawenyi. Eframe kanafwete akwa kumuzanga.

Mika 1:9

Mumu mbandu jenyi kechi kahasa kujiwuka; hijaheta ndo ku Yunda, hijaheta ndo ku chikolo cha atu jami, kwe ku Yerusaleme.