Hosea 5:10 - MUKANDA USANDU WA ZAMBI 1975

¹⁰ Alemu ja A-Yunda hanalumuka ngwe akwa kututulula njiza. Munguzukula ufwatulo wami hali ayo ngwe meya.

Mukanda Wa Zambi 1970

¹⁰ Mwene Zambi kanambe ngwenyi: “Ngunevwila akwa lutwe ja Ayuda ufwatulo mumu haatutulula njiza ya Israele. Kashika mungukaamwesa lamba ngwe sanga lia meya.

Hosea 5:10 Iomraidhean Croise

Miaso (Masamu) 32:6

Ha chikuma chino mweswe mukwa kuwayila akalembe kuli yena ha mwaka uze mahasa kukuwana. Chipwe muze meya a masanga masupwoka kechi kamuheta.

Miaso (Masamu) 69:24

Zukwila ufwatulo we hali ayo; kusasaminya cha utenu we chikaawane.

Miaso (Masamu) 88:17

Yangujingilikile tangwa lieswe nganganga ngwe meya. Anguselekele hamuwika.

Yishima 17:14

Kuputuka cha ndombo chapwa ngwe muze majikula meya; kashika litwamine kuhamika shimbu kanda achiputuka kuzwela.

Yishima 22:28

Kanda uchiza chinyingi chikulu cha njiza chize tulamba esekele.

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Ezekiel 22:22

Ngwe prata kakusangunuka mu lutengo chocho ni yenu nawa munukasangunukamo mba munukanyingika yami Yehova hinazukula ufwatulo wami hali yenu.

Ezekiel 7:8

Haliapwila ni shimbu liakuhi munguzukula ufwatulo wami hali yenu, ni kuhwisa utenu wami kulimika ni yenu, ni kunupatwila nikulita ni ndako jenu. Mungunwaha kastigu mumu ha yitanga yenu yeswe ya lwaji.

Mateu 7:27

ni vula wanokene, ni mihwiji yejile, ni fuji yapupile zuwo lize; mba liapuzukile; ni kupuzuka chalio chapwile chinene.

Luka 6:49

Yoze mevwa alioze keshi kulinga, kanapu ngwe mutu yoze watungile zuwo ha mavu, ni fundamentu yakuhi; ha lienalio mihwiji yalundumukine, haze hene liapuzukile, ni kupuzuka cha zuwo lize chapwile chinene.

Shimbi 19:14

Mu chihinga chize munutambula mu chifuchi Yehova Zambi yenu kananwehe kuzuka kanda nututulula njiza ya mukwenu, yize ajikile kuli malunga a shakulu.

Shimbi 27:17

Kashingiwa mutu yoze matutulula njiza ya mukwo. Atu eswe até ngwo, Amene.