Hosea 4:9 - MUKANDA USANDU WA ZAMBI 1975

⁹ Mba muchikapwa cheswacho mapwa atu ni asasendote nawa chocho mapwa. Alioze mungwaaha kastigu mumu ha ndako jo, mungwafwetesa ha yitanga yo.

Mukanda Wa Zambi 1970

⁹ Munukamona lamba lizeliene maakamona atu akwo! Mungukanumwesa lamba, mungukanufweta nikulita ni ungulungulu wenu.

Hosea 4:9 Iomraidhean Croise

Yishima 11:31

Mukwa ululi mamukundulula hano hashi; mba kuhiana mafwetesa chingulungulu ni chivulumunyi!

Yishima 12:14

Ku mihuko ya kanwa lienyi mutu makayuka ni yipema; makakundulula kuli mutu mweswe yitanga ya moko jenyi.

Yishima 5:22

Chingulungulu kakukwachika mu uhenge wenyi mwene. Kumakakashiwa ni mihipu ya shili yenyi.

Izaya 24:2

Mba chize muchipwa ni atu, chocho nawa ni sasendote; chize muchipwa ni ndungo, ni kako chizechene; chize muchipwa ni ndungo-wa-pwo, ni kako chizechene; chize muchipwa ni mukwa kulanda, ni mukwa kukulisa chizechene; chize muchipwa ni mukwa mukuli, ni mwenya mukuli chizechene; chize muchipwa ni mukwa kufwetesa mbwezo, ni mukwa kufweta chizechene.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Ezekiel 44:10

Alioze A-Levi waze ayile kusuku ni yami nikunguhichika kukaula mahamba muze A-Izalele apiangukile; o makatambula kastigu yo.

Ezekiel 44:12

Se aavumbikile kumeso ja mahamba jo nikwalumuka chitalingiso cha uhenge kuli akwa munyachi wa Izalele, kashika ha kutwala kuli ayo, yami Mwene Yehova hinalishinga ngwami, Kumakatambula kastigu yo.

Hosea 1:4

Yehova yamba kuli iye ngwenyi, Umuluke jina Yezerele mumu kwasala hakehe mba munguhana kastigu ku munyachi wa Jehu ha mukunda wa manyinga a ku Yezerele, mba mungusulisa wanangana wa munyachi wa Izalele.

Hosea 10:10

Mungukeza kulimika ni wano akwa kupiya nikwalamba kastigu; mba mavungu makakunguluka kulimika no muze makaalamba kastigu ha milonga yo yiali.

Hosea 12:2

Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Hosea 12:3

Mwe mu jimo yakwata yayo ku kashijino, muze hapwa lunga yalitachika ni Zambi.

Hosea 7:2

Hindu kazewile ngwe yami mungwiwuluka yitanga yo yeswe yipi. Haliapwila yilinga yo hiyaalimba; kuyili kumeso jami.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.