Hosea 4:8 - MUKANDA USANDU WA ZAMBI 1975

⁸ Kakulilisa ni shili ya atu jami, kakwivwa kuzo ha uhenge wo.

Mukanda Wa Zambi 1970

⁸ Nunalibichisa ku kuvulumiona cha atu jami, kashika nwakuzanga avulumione lume.

Hosea 4:8 Iomraidhean Croise

1 MIANANGANA 12:16

Mbongo ja milambu ya uhie ni milambu ha shili ajo kajinehene mu zuwo lia Yehova—ja mbala ja asasendote.

Miaso (Masamu) 24:4

Yoze uli ni moko apema ni mbunge ya kulinanga. Yoze katwalile mbunge yenyi ku yuma yamokomoko; kalishingile ni mahuza.

Miaso (Masamu) 25:1

Kuli yena, Yehova, nakuhetula mbunge yami.

Izaya 56:11

Tuwa kali ni solo lia kulia, keshi kukuta. Tufunga nawa keshi yinyingi; eswe hanatalikisa mutu mu jila yenyi, mutu mu jila yenyi, mutu mweswe ku kufumbuka chenyi, e eswe lume.

Ezekiel 14:3

Mwana mutu, wano atu hanjisa mahamba jo mu mbunge jo, ni kusa chitalingiso cha uhenge wo kumeso jo. Te changutamba kwatayiza, chipwe hakehe, eze nikuhula kuli yami nyi?

Ezekiel 14:7

Mumu mutu mweswawo wa munyachi wa Izalele chipwe wa njize aze anatwama mu Izalele, yoze malihandununa ni yami, ni kunjisa mahamba jenyi mu mbunge yenyi, ni kusa chitalingiso cha uhenge wenyi kumeso jenyi, hindu meza kuli profeta akahule yuma yenyi kuli yami, yami mwene Yehova mungumukumbulula.

Hosea 10:13

Enu hinwalima uhenge; hinwacha upatwilo upi; hinwalia mihuko ya mahuza. Se hinwafuliela matemba jenu a jita ni wunji wa tujita twenu,

Hosea 12:8

Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Alevi 6:22

Mba mwe sasendote wa kuwayisa ni maji kumusalakana hakachi ka ana jenyi akaulambule. Chino chiyulo cha mutolo—akaulumbe wupu kuli Yehova.

Alevi 6:26

Sasendote yoze makaulambula ha shili makaulia. Kumwe kuma kusandu makaulila mu yize ya mbalaka ya chikungulwila.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Malaki 1:10

Nyi kachi kwali umwe yoze májila mapito, nulitwamine kuwika kahia mokomoko ha chilumbilo chami! Yehova-wa-Tujita kanambe ngwenyi, Chevwile kuwaha ni yenu; chichi kutambula mulambu ku moko-jenu.

A-ROMA 16:18

Mumu waze keshi kulingila Mwene wetu Yesu Kristu, alioze kakulingila jimo lio ene; ni ku maliji a kulembejeka, ni kutangujola, kakwonga mbunge ja atu alelu.

Titu 1:11

Chatamba kupakika makanwa jo; se kakulimbwisa mazuwo a muwundu, nikulongesa ha upite wa sonyi yuma yize kuchaatambile kulongesa.

2 Petulu 2:3

Ni ku kuzo, ni maliji a ulembekese, makanupwisa yuma ya kusepa nayo: upatwilo wo chize ku shakulu kuushi kushimbula, ni kwonwona cho kuchishi kufungunuka.

1 Samuel 2:29

Kuchi te wakuliataliata ha chitapo chami ni ha mulambu wami nakolesele ni shimbi mu zuwo liami? Kuchi te wakulemesa ana je helu lia yami nikulitohesa ni yeswe yahiana kupema hakachi ka milambu ya atu jami A-Izalele?