Hosea 4:6 - MUKANDA USANDU WA ZAMBI 1975

⁶ Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Mukanda Wa Zambi 1970

⁶ Atu jami kaakufwa mumu kaangunyingikine ko. Yenu mahako hinwalituna kungunyingika, hinwehuka longeso liami. Kashika ni yami hinanwehuka, chichi katayiza ana jenu a malunga kubwa mahako jami.

Hosea 4:6 Iomraidhean Croise

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

Jobe 36:12

Nyi kapanjikile makuwa ni katana; mafwa ni chinyingi chakuhi.

Miaso (Masamu) 119:139

Kulinga chami ni mbunge yeswe chinanguli, mumu akwa kulimika ni yami hanavulama maliji je.

Miaso (Masamu) 119:153

Tala kama ku luyinda wami, ungupulule kama, mumu chishi kuvulama shimbi ye.

Miaso (Masamu) 119:61

Mihipu ya yingulungulu yangulimbile, hindu chavulamine shimbi ye.

Miaso (Masamu) 18:27

Mumu kumulamwina akwa luyinda, alioze meso a kulizelula kumukaahombwesa.

Yishima 10:21

Mivumbo ya mukwa ululi kuyakulisa anji; alioze yihepuke kakufwa mumu keshi mbunge.

Yishima 19:2

Chikwo nawa kupwa ni mbunge kuyishi yinyingi kuchapemene; yoze wazomboka naye mapianguka.

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Izaya 29:12

Mba muze mauhana kuli mukwo yoze kanyingikine kutanga ngwo, Tanga, aye mamba ngwenvi, Chanyingikine kutanga.

Izaya 3:12

Atu jami—ana amokomoko kakwapinjisa, ni mapwo kakwayula. Atu jami, tusongo twenu kananwongo, ni kulumbangenya majila jenu.

Izaya 45:20

Kungulukenu nwize; kundamenu hamuwika, enu kunwafwile hakachi ka akwa mavungu. Waze akumbatambata tuponya twa mitondo, nikulemba kuli umwe zambi kahashile kulamwina, o keshi yinyingi.

Izaya 5:13

Kashika atu jami kakuya ku ufunge, mumu ha kuhona yinyingi; alemu jo kanafu ni zala, ni mbunga yo yinomu ni pwila.

Jeremia 2:8

Asasendote kambile ngwo, Yehova kuli ali? Akwa kukwata ku shimbi kangunyingikine; akwa kuyula anguvulumwine; aprofeta aprofetezele ni jina lia Mbale, ni kukaula yuma kuyafumbwile.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Ezekiel 44:23

Makalongesa atu jami kuhandununa hakachi ka yuma yisandu ni yuma yeswayo, nikwalweza kusa chinyingi hakachi ka yuma ya luchisa ni yuma yipema.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Hosea 4:14

Chichi kuhana kastigu kuli anenu a mapwo muze malinga ukoi, chipwe ndungi jenu muze malinga utanji; mumu malunga ene kakuhambuluka ni yikoi nikushiha yitapo ni yikoi a ku matembele. Atu keshi mana kumakaonwona.

Hosea 5:4

Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Hosea 6:6

Mumu nakuzanga utu wa zango, chafupile yitapo; ngunafupu yinyingi ya Zambi, hi milambu ya kulumba ko.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Hosea 7:9

Yilambala kanali tachi jenyi; kachinyingikine. Kambu jitoma haputuka kupwa najo; kachinyingikine.

Hosea 8:1

Senu chitavwi ku mivumbo yenu, mumu pupa kanahulumuka ha zuwo lia Yehova. Mumu hanatangula usendo wami hanavulumuna shimbi jami.

Hosea 8:12

Chipwe mungumusonekena shimbi jami ha kumi lia tununu, hindu malimona ngwe chuma cheka.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Hosea 9:17

Zambi yami maambila mumu kamupanjikile. Kumakapwa yendanganyi hakachi ka mavungu.

Mateu 1:6

Yese wasemene mwanangana David. Mwanangana David wasemene Solomone kuli yoze wapwile kunyima pwo lia Uriya;

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 15:8

Wano atu kakungulemesa ni mivumbo yo; Alioze mbunge jo jili kusuku ni yami.

1 Samuel 2:12

Ana ja Eli o apwile atu amokomoko. Kanyingikine Yehova.