Hosea 4:5 - MUKANDA USANDU WA ZAMBI 1975

⁵ Munutalinga ha mwalwa, ni profeta matalinga hamwe ni yenu ha ufuku. Mungwonwona noko.

Mukanda Wa Zambi 1970

⁵ Ufuku ni mwalwa nwakutalinga, ni akwa munanyi nawa keeshi kulinga yibema. Kashika mungukonona mwe noko Israele.

Hosea 4:5 Iomraidhean Croise

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Jeremia 15:8

Hinokesa tuliwa jo kuhiana masekeseke a ku kalunga-lwiji. Kuli anaye ja akweze hinaneha umwe chonwonyi wa ha mwalwa. Susumuku hinakokela hali ayo kulifwita ni mwongo.

Jeremia 23:9

Ha kutwala kuli aprofeta: Mbunge yami hiyafwa muchima, yifwaha yami yeswe yinachikima. Ngunapu ngwe umwe unazengewa, ngwe yoze vinyu hiyamukumba, mumu hali Yehova ni ha maliji jenyi asandu.

Jeremia 50:12

hindu noko mamukolesa sonyi liakulu; yoze wanusemene masauka. Kumakapwa kasula hakachi ka mavungu; kumakapwa puya yumu ni ya hululu.

Ezekiel 14:3

Mwana mutu, wano atu hanjisa mahamba jo mu mbunge jo, ni kusa chitalingiso cha uhenge wo kumeso jo. Te changutamba kwatayiza, chipwe hakehe, eze nikuhula kuli yami nyi?

Hosea 2:2

Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 5:5

Kulengumuka cha Izalele chakumushindakenya kumeso jenyi; Eframe matalinga ni uhie wenyi; Yunda nawa matalinga hamwe no.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Galashia 4:26

Alioze Yerusaleme yize ya kwilu hi ndungo ko, iye mama wa yetu eswe.