Hosea 4:2 - MUKANDA USANDU WA ZAMBI 1975

² Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Mukanda Wa Zambi 1970

² Mumu kaakulakenya alioze keeshi kulinga; kaakuhanjika mahuza, kaakushiha, kaakwiya, kaakulinga utanji, kaakulikokela yitela ni kumwanga manyinga.

Hosea 4:2 Iomraidhean Croise

Ubutukilo 4:8

Kene yahanjika ni mwanakwo Abele. Mba muze apwile mu munda Kene yakatukila mwanakwo Abele, yamushiha.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Jeremia 51:5

Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Jeremia 6:7

Chizechene ngwe shima nakufunga meya jalio aha, chocho iye kakupwa ni ungulungulu wenyi waha. Kakwivwa upupilo ni kwonwona muli iye, kuyiza ni yilonda yili kumeso jami matangwa eswe.

Lungungu 4:13

Chino chapwile mumu ha milonga ya aprofeta jenyi, ni ha uhenge wa asasendote jenyi, waze amwangine hakachi ko manyinga ja akwa ululi.

Ezekiel 7:23

Lingenu lie lenge mumu chifuchi chazala ni milonga ya manyinga, ni chihunda chazala ni upupilo.

Hosea 10:13

Enu hinwalima uhenge; hinwacha upatwilo upi; hinwalia mihuko ya mahuza. Se hinwafuliela matemba jenu a jita ni wunji wa tujita twenu,

Hosea 10:4

Kakuhanjika maliji amokomoko; kakukolesa usendo ni mashingo keshi tachi, kashika upatwilo kuwakusoloka ngwe yiputa ya utende mu mihanga ya mu minda.

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Hosea 12:14

Alioze Eframe hehia chikolo kashika Mwene wenyi mamuhichika ni mulonga wenyi wa manyinga hali iye. Mahilwisa hali iye nawa sau lienyi.

Hosea 5:2

Akwa kukolema hatwala kusuku ni yitapo, alioze mungukaakanjisa eswe.

Hosea 6:8

Ngiliate yapwa chihunda cha akwa kulinga yipi, yinapiha ni manyinga.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Hosea 7:3

Kakuwahisa mwanangana ni ungulungulu wo, kakuwahisa alemu ni mafwefwe jo.

Hosea 7:4

O kapwa eswe akwa utanji. Kapwa ngwe jiko lia kahia, mukwa kulinga mbolo kechi kulisosela nawa ndo maweza futunwiso ku mbolo yize hachika kulu.

Mika 3:2

Enu, chipema chanupihila; nwakuzanga chipi. Nwakuzununa kowa lia atu jami, ni musunya ha yifwaha yo.

Mika 3:9

Panjikenu, enu akwa lutwe mu munyachi wa Yakomba, ni akwa kuyula mu munyachi wa Izalele. Enu upatwilo wa kulita wanupihila, nwakuhengesa ululi weswe.

Mika 6:10

Munguhasa kuvulama upite wa ungulungulu mu zuwo lia chingulungulu, hanji njongo ya kukehesa yize yinashingiwa?

Mika 7:2

Mukwa uwayilo hakuwa hashi, niumwe mukwa ululi wakuhi hakachi ka atu. Eswe kakujikinyina manyinga; mutu mweswe kakuzomba mukwo ni wanda.

Zefania 3:1

Lamba kuli chihulia yoze halichisa, chihunda cha kupinjisa akwo!

Zakaria 5:3

Henaho yamba kuli yami ngwenyi, Lie shingo lienalio linayi chifuchi cheswe, mumu kulutwe mweswawo meya chuma mamusuma nikulita ni mukanda, ni mweswawo malishinga ni mahuza mamusutula nikulita nawo.

Zakaria 7:9

Yehova-wa-Tujita kanambe ngwenyi, Patulenu ni ululi; lingenu ni utu ni keke mutu mweswe kuli mukwo.

Mateu 23:35

hanga manyinga eswe a ululi a kumwangana hano hashi akeze hali yenu, chize ku manyinga ja mukwa ululi Abele ndo ku manyinga ja Zakaria, mwana Mbarakiya, yoze nwamushihile hakachi ka tembele ni chilumbilo.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

Shimbi 5:11

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Shimbi 5:18

Kanda ukalinga utanji.

Shimbi 5:19

Kanda ukeya.

1 Tesalonika 2:15

waze ashihile Mwene Yesu ni aprofeta jo ene; atuhumine haze nawa; keshi kupemena kuli Zambi; kakulimika ni atu eswe.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.