Hosea 4:18 - MUKANDA USANDU WA ZAMBI 1975

¹⁸ Kunwa cho chipi; kakulikunjika ku ukoi; kakuzanga sonyi hi uhenya ko.

Mukanda Wa Zambi 1970

¹⁸ Nyi haazengewa kaakuwahilila ni kulinga utanji, kaakuzanga kwo sonyi kuhiana ulemu.

Hosea 4:18 Iomraidhean Croise

Ubutukilo 38:24

Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

Miaso (Masamu) 47:9

Yilolo ja mavungu hanakunguluka hamuwika ni atu a Zambi ya Apalahama. Mumu kepwe ja hashi heswe ja mbala ja Zambi. Iye kanangama chikolo.

Kutuhuka 23:8

Kanda ukatambula chijiko, mumu chijiko kuchakupupuchisa waze akwete meso. Kuchakuhengesa maliji a mukwa ululi.

Jeremia 2:21

Hindu nakutumbile mutondo wa uva ulemu, wa mbuto yipema pundu. Kuchi hiwalumuka wamokomoko, mutondo wa uva wa mu yambu?

Ezekiel 16:15

Alioze wajikijilile upeme we, ni kulipwisa chikoi ha mukunda wa lufuma we, ni kupwa chikoi kuli mweswawo mapalika.

Hosea 4:10

Malia alioze kechi kukuta; malinga ukoi, alioze kechi kuliokesa, mumu hanehuka Yehova akalalaminye ku ukoi.

Hosea 4:2

Alioze chize chiliko, kutukana, ni mahuza, ni ungalwe, ni wiji, ni utanji. Kakuhiana shimbi jeswe; ungalwe unalitumbikila ha ungalwe.

Hosea 9:10

Nawanyine Izalele ngwe uva ja mu puya. Namwene tulamba twenu ngwe mihuko yitangu ya mikuyu ha mwaka wayo litangu. Alioze ejile ku Mbale-Peore ni kulitumbikila kuli Mbale, ni kwalumuka a kuvwisa lwaji chizechene ngwe che chuma chize azangile.

Amose 5:12

Mumu ngunanyingika kwalula cha milonga yenu ni kutoha cha shili yenu— enu nwakupinjisa akwa ululi, ni kutambula chindo, ni kupiangula mukwa kuhona mu chota.

Mika 3:11

Akwa lutwe jako kakupatula ha chindo; asasendote jako kakulongesa ha fweto; aprofeta jako kakutaha ha mbongo; hindu kakujamina hali Yehova nikwamba ngwo, Yehova hwali hakachi ketu; nichimwe chipi muchikatuwana.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

1 Samuel 8:3

Anenyi kendele mu ndako ja tato. Apiasukile nikukaula upite. Atambwile chindo nikuhongesa upatwilo.