Hosea 4:16 - MUKANDA USANDU WA ZAMBI 1975

¹⁶ Ngwe chimbembe cha ngombe mukwa pami chocho japwa pami ja Izalele. Yehova te mahasa kwalisa ngwe mwana-panga mu ulilo unene?

Mukanda Wa Zambi 1970

¹⁶ Aisraele kaali ni pami ngwe yimbembe a ngombe. Ngwe kuchi munguhasa kwalisa ngwe ana mapanga mu chihila chinene?

Hosea 4:16 Iomraidhean Croise

Miaso (Masamu) 78:8

Kuchina mapwa ngwe akako, chisemuko cha pami ni uhulia; chisemuko cha waze kasele mbunge jo kanawa; Spiritu jo kujajikijilile kuli Zambi.

Izaya 22:18

makakujinga ni tachi ni kukukonga ngwe mbola mu chifuchi chinene, mba kwenako mukafwa, ni kwenako makatwama matemba je a uhenya; ena uli je sonyi ja zuwo lia kakenu.

Izaya 30:23

Iye kumakanwaha vula ha mbuto yize munukakuwa hashi, ni mbuto yize muyima ku mavu, mba muyipwa yipema ya kulumbama. Ha tangwa lize nawa yimuna jenu makalia ku ulilo unene.

Izaya 5:17

Henaho ana-mapanga malia ngwe mu ulilo wo; yimbembe a maji ni ana-pembe malia hakachi ka mazuwo a kupuzula.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 3:11

Ni Yehova yamba kuli yami nawa ngwenyi, Uhie wa mukwa mafwefwe Izalele ukepe, wa mukwa mahuza Yunda unene.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Jeremia 31:18

Hinevwa A-Eframe nikutwa mikuma ngwenyi, Hiwangufumba mba nafumbiwa ngwe musamba wa ngombe yoze kanda amuhombwesa. Nguhilwise kama hanga ngukahuzuluke mumu uli Yehova Zambi yami.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Jeremia 8:5

Nyi chocho wano atu kuchi te kakupiangukila mu kukokoloka cha mutolo? Kanakakaminya ku kwonga; kasolo kuhiluka.

Hosea 10:11

Eframe wapwile te chimbembe cha ngombe wa kulongesa. Wazangile chikolo kuzungula mbuto kashika chapinjishile kota yenyi yipema. Alioze mungulema Eframe ye kanga. Chatamba Yunda kukoka sharua; chatamba Yakomba kulipupila mavu mwene.

Hosea 11:6

Katana makatenukina yihunda yo, nikumanununa njalo ja mapito jo ja yihunda, nikwaonwona mu mbonge jo.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Alevi 26:33

Mungunumwanga hakachi ka mavungu. Mungutomona katana ka jita kunyima yenu mba chifuchi chenu muchipwa puya ni yihunda yenu muyipwa yahululu.

Zakaria 7:11

Alioze katayile kupanjika; yangutalikisa chipaya cha pami; yajika matwi jo kuchina mevwa.

1 Samuel 15:11

Hinalikonyeka ha kupwisa Saulu mwanangana, mumu hanalitwamina kungukaula. Kalingile chize namutumine. Samuel yatenuka. Yateta kuli Yehova Ufuku weswe.