Hosea 4:15 - MUKANDA USANDU WA ZAMBI 1975

¹⁵ Chipwe yenu A-Izalele munulinga ukoi, hindu A-Yunda kanda anjila mu uhie. Kanda nunjila mu Ngilingali; kanda nukanduka ku Mbete-Avene; kanda nulishinga ngwenu, Ni mwono wa Yehova.

Mukanda Wa Zambi 1970

¹⁵ “Chibwe yenu Aisraele nwakulinga utanji, alioze yenu Ayuda kanda nulinga ngwe ayo. Kanda nuwayila mu membo ja Gilgale ni Betele, chibwe kulishingila ko mu jina lia Mwene Zambi ya mwono.

Hosea 4:15 Iomraidhean Croise

2 Sango Ja Mianangana 17:4

Alioze wafupile Zambi ya kalamba kenyi nikwenda mu maliji jenyi. Kendele mu yitanga ya Izalele.

2 Sango Ja Mianangana 21:11

Chikwo nawa yatunga manangamo mu milundu ya Yunda; yakoka A-Yerusaleme ku ukoi; yatwala A-Yunda akapianguke.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Jeremia 44:26

Kashika ivwenu liji lia Yehova enu A-Yunda eswe nwatwama mu chifuchi cha Engitu. Yehova kanambe ngwenyi, Hinalishinga ni jina liami linene ngwami, Jina liami kechi kulitongola nawa ni kanwa lia mutu niumwe Ka-Yunda mu chifuchi cha Engitu ngwenyi, Ni mwono wa Mwene Yehova.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Ezekiel 20:39

Ha kutwala kuli yenu, akwa munyachi wa Izalele, Mwene Yehova kanambe ngwenyi, Yénu nukalingile mutu mweswe mahamba jenyi, chipwe haliapwila chipwe kulutwe, nyi kunwangupanjikile. Alioze jina liami lisandu kunuchi kajilula nawa nilimwe tangwa ni milambu yenu ni mahamba jenu.

Hosea 10:5

Akwa Samaria kakuchikimina mwana-ngombe wa ku Mbete-Avene. Atu jenyi makamulilila ni asasendote jenyi a mahamba mamuhula mbimbi mumu ha uhenya wenyi uze hiwamukatuka.

Hosea 10:8

Manangamo a Avene, we mutenga wa Izalele, makaonwona. Mingonga ni mikalale muyikasoka ha yilumbilo, mba makamba ku milundu ngwo, Tufukenu. Makamba ku mindundena ngwo, Holokenu hali yetu.

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Hosea 12:11

Nyi uhenge muuli mu Ngiliate kumakalumuka amokomoko. Nyi malambula kuji a ngombe mu Ngilingali makapwisa yilumbilo yo ngwe milumba ya mawe ha mihanga mu minda.

Hosea 12:12

(Yakomba yachinyina ku chifuchi cha Arame; kwenako Izalele yalingila milimo hali pwo, yafunga mapanga akazuke pwo.)

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Hosea 5:8

Humuna njalamina mu Ngibia; humuna chitavwi mu Rama. Sunga utoweze atu ku Mbete-Avene; ena Mbenjamine, chikima!

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Amose 4:4

Tweyenu ku Mbetele nukavulumune. Tweyenu ku Ngilingali nukokese milonga. Nehenu yitapo ha chimene tangwa ha tangwa ni milambu yenu ya chihanda cha kumi ha matangwa atatu, ha matangwa atatu.

Amose 5:5

Alioze kanda nufupa ku Mbetele; kanda nunjila ku Ngilingali chipwe kuzauka ku Mbia-shipa. Mumu akwa Ngilingali makaya ku unjize ni akwa Mbetele makaapwisa mokomoko.

Amose 6:10

Mba muze usoko wa mutu, yoze te mamwocha, mamuzundula kuchiza yifwaha mu zuwo, mamba kuli mukwo uli mwe muchima lia zuwo ngwenyi, Kwasala umwe mukwo nawa hamwe ni yena? Aye makumbulula ngwenyi, Ka. Mba mukwo mamba ngwenyi, Kala! Mumu kuchatutambile kuvuluka jina lia Yehova.

Amose 8:14

Waze akulishinga ni shili ya Samaria, nikwamba ngwo, Ni mwono wa zambi ye, Ndane; hanji, Ni mwono wa jila ya Mbia-shipa, o kumakalimbuka; kechi kahinduka nawa nilimwe tangwa.

Efesu 5:11

Kanda nuliendela ni yitanga ya kuseka ya milima, alioze Shinaho kuyikanjisa.

Yoshua 5:9

Mba Yehova yamba kuli Yoshua ngwenyi, Musono uno hinanushatununa sau lia Engitu. Kashika jina liako ndo musono ngwo, Ngilingali.

Yoshua 7:2

Yoshua wakatwishile malunga ku Yeriku akaye ku Ayi, chihunda cha kusulangana ni Mbete-Avene ku sali lia Chivumbuko lia Mbetele. Yamba kuli ayo ngwenyi, Yénu nukendese chifuchi. E malunga ayile nikwendesa Ayi.