Hosea 4:14 - MUKANDA USANDU WA ZAMBI 1975

¹⁴ Chichi kuhana kastigu kuli anenu a mapwo muze malinga ukoi, chipwe ndungi jenu muze malinga utanji; mumu malunga ene kakuhambuluka ni yikoi nikushiha yitapo ni yikoi a ku matembele. Atu keshi mana kumakaonwona.

Mukanda Wa Zambi 1970

¹⁴ Chibwe chocho chichi kwamwesa lamba, mumu ni yenwene mahako ja Zambi nwakuya ku mazuwo ja mazambi eka ni kulinga utanji ni yitanji waze atwama ko, nwakulambula milambu hamwe no. Ngwe chize chishima chinambe ngwo: ‘Atu waze keeshi mana maakoonona.’

Hosea 4:14 Iomraidhean Croise

1 Yitanga Ya Mianangana 15:12

Yachiza akwa utumwa mu chifuchi. Yachiza tuponya eswe tulamba twenyi alingile.

1 MIANANGANA 23:7

Yapuzula mazuwo ja tutumwa waze apwile mu zuwo lia Yehova kuze mapwo aselekele mahina ja Ashera.

Yishima 28:5

Upatwilo kuwalumbunukine kuli atu api; alioze yuma yeswe yinalumbunuka kuli waze akufupa Yehova.

Izaya 1:5

Kuchi te munulikoleza kukolema? Kuchi te manulambalamba nawa? Mutwe weswe unayiji, mbunge yeswe yinalezumuka.

Izaya 27:11

Muze mitango yawo hiyoma, mayimakwona, mba mapwo meza nikuyisa ha jiko. Mumu wano atu keshi meso a kunyingika; kashika Tangi yo kechi kaavwila keke; yoze waawumbile kechi kaavwila vumbi.

Izaya 56:11

Tuwa kali ni solo lia kulia, keshi kukuta. Tufunga nawa keshi yinyingi; eswe hanatalikisa mutu mu jila yenyi, mutu mu jila yenyi, mutu mweswe ku kufumbuka chenyi, e eswe lume.

Daniel 12:10

Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Hosea 4:1

Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Hosea 4:17

Eframe hanalinungu ni mahamba, inwechenu!

Hosea 5:4

Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Kwalula 25:3

A-Izalele yalinunga ni Mbale-Peore. Utenu wa Yehova yiukasumukina A-Izalele.

Yoano 8:43

Kuchi te kunwanyingikine kuhanjika chami? Mumu te kunwahashile kwivwa liji liami.

A-ROMA 3:11

yoze wakunyingika wakuhi niumwe; yoze wakufupafupa Zambi wakuhi niumwe.

1 Korintu 6:16

Kuma, kunwanyingikine nyi, yoze malinunga ni chikoi mapwa mujimba umuwika? Mumu kanambe ngwenyi, E aali kumakapwa musunya umuwika.

Efesu 4:18

nikulá mu kunyonga cho, kahandunuka ku mwono wa Zambi mumu ha kwalajala chize chili muli ayo, mumu ha ukalu wa mbunge jo.

Shimbi 23:17

Kanda kupwa chikoi kuli ana-mapwo ja A-Izalele, chipwe kanda kupwa mukwa utumwa kuli ana-malunga ja A-Izalele.

Hebreu 12:8

Alioze kachi lamba lia kufumba kunushi nalio, ha lize ana eswe kakutambula chihanda, kachi nunapu ana ja utanji, hi nuli ana amwenemwene ko.