Hosea 4:13 - MUKANDA USANDU WA ZAMBI 1975

¹³ Kakushiha yitapo ha mbulwa milundu; kakulambula ha mindundena mushi lia mitondo ya carvalho, ni alamo, ni terebine, mumu chihuhumuke chayo Chinapeme. Kashika anenu a mapwo kakulinga ukoi, ni ndungi jenu kakulinga utanji.

Mukanda Wa Zambi 1970

¹³ Malunga kaakulambula milambu ku miyombo ha milundu, ni kwochela yuma ya vumba libema ha mindundena mushi lia mitondo yisuku, mumu yihuhumuke yayo yibema! “Kashika ana jenu a mapwo haanalumuka yitanji, ni atembwa anenu a mapwo no akulinga utanji.

Hosea 4:13 Iomraidhean Croise

1 MIANANGANA 17:7

Chapwile chocho mumu A-Izalele hanavulumuna Yehova Zambi yo, yoze waachijile ku kwoko lia Falau mwanangana wa Engitu ni ku chifuchi chenyi. Hindu o havwila woma mazambi akwo,

1 MIANANGANA 23:7

Yapuzula mazuwo ja tutumwa waze apwile mu zuwo lia Yehova kuze mapwo aselekele mahina ja Ashera.

Izaya 1:29

Mumu munuvwila sonyi mitondo yize ya carvalho yize nwawahililile nayo; sonyi mujinujimbisa mitwe mumu ha jardine jize hinwatongola.

Izaya 57:5

Nwakusasaminya ni usolo hakachi ka carvalho, mushi lia mutondo weswe wa wisu; enu nwakushiha ana jenu mu yikulo, mu yivwenge ya mawe.

Izaya 57:7

Hiwasa muhela we ha mulundu unene usuku, kwenako wayile kulambula yitapo.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 3:6

Yehova yamba kuli yami ha matangwa a mwanangana Josia ngwenyi, Hiwamona chize yono Izalele mukwa mafwefwe halinga? Hiwamona chize haya ku mulundu weswe usuku ni mushi lia mutondo weswe wa wisu nikulinga ukoi?

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Ezekiel 16:16

Yiwanda amwe mazalo je ni kulilingila matembele a uhenya, mba kwenako walingile ukoi. Chuma chino te kanda achimona, chipwe kulutwe kechi kachimona.

Ezekiel 16:25

Ku songo ha tapalo heswe watungile zuwo lie lisuku nikulanjisa upeme we, ni kulihana kuli mweswe mapalika, ni kwokesa ukoi we.

Ezekiel 6:13

Munukanyingika yami nguli Yehova muze afu jo, aze haashiha, makapombapomba hakachi ka mahamba jo kwa kujingilika yilumbilo yo, ni ha mundundena weswe usuku, ni ha mbulwa milundu, ni mushi lia mutondo weswe wa wisu, ni mushi lia mutondo weswe wa carvalho wa mafwo, kweswako hatambula insensu ya lupembo mupema ku mahamba jo eswe.

Hosea 10:8

Manangamo a Avene, we mutenga wa Izalele, makaonwona. Mingonga ni mikalale muyikasoka ha yilumbilo, mba makamba ku milundu ngwo, Tufukenu. Makamba ku mindundena ngwo, Holokenu hali yetu.

Hosea 11:2

Cheswe nalikolezele kwasanyika o yalikoleza kukatuka kuli yami. Yawezela kushihila yitapo Ambale nikwochela insensu mahamba.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.