Hosea 4:11 - MUKANDA USANDU WA ZAMBI 1975

¹¹ Ukoi ni vinyu kuyakuchiza mana, ni vinyu yaha nawa.

Mukanda Wa Zambi 1970

¹¹ Mwene Zambi ngwenyi: “Vinyu yikulu chibwe yaha, yakubinjisa manyonga ja atu jami!

Hosea 4:11 Iomraidhean Croise

Yishima 20:1

Vinyu yinapu yikwa kulenya, kunwa chisasu chinapu chikwa kuzwelesa; mweswawo mapiasukilamo keshi mana.

Yishima 31:4

Ena Lemuele kuchapwile chuma cha mianangana kunwa vinyu; Kuchapemenene alemu kwamba ngwo, Kunwa chisasu Chilihicho?

Yishima 6:32

Alioze yoze malinga utanji ni pwo keshi mbunge. Yoze machilinga monwona mwono wenyi mwene.

Longeshi 7:7

Pundu kufwetesa naye chakwalumuna mukwa mana akapwe chihepuke, ni chindo kuyakulumbula yinyingi.

Izaya 28:7

Wano nawa kakuzeketa mumu ha vinyu, kakupiepieta mumu ha kunwa chisasu; ni asasendote ni aprofeta kakuzeketa ni kunwa chisasu, kakutatajala mumu ha vinyu, kakupiepieta ni kunwa chisasu. Kamwene kanawa yuma ya kulutwe; kanatalinga ha kupatula.

Izaya 5:12

Kali ni tulialia ni yisaji ya kusa, ni tumikupiela, ni ndembo, ni vinyu, ku mizumbu yo; alioze keshi kusa mbunge ku yitanga ya Yehova, chipwe kumona milimo ya moko jenyi.

Jeremia 23:13

Muli aprofeta ja Samaria namwene chuma chipi. Aprofetezele ku tachi ja Mbale ni kupiangula atu jami A-Izalele.

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Hosea 5:4

Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Alevi 10:9

Kanda ukanwa vinyu hanji kunwa chisasu, chipwe yena, chipwe ane a malunga hamwe ni yena, muze mununjila mu mbalaka ya chikungulwila, kuchina munufwa. Chino chikapwe chiyulo cha mutolo kuli yenu ndusu yisemuko yenu yeswe.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

1 Samuel 25:36

Abigale wejile kuli Nabale, iye te halinga muzumbu mu zuwo lienyi, ngwe muzumbu wa mwanangana. Mbunge ya Nabale te yinawahilila chinji mumu kanazengewa chikolo. Kashika kamulwezele nichimwe ndo hikwacha.