Hosea 4:10 - MUKANDA USANDU WA ZAMBI 1975

¹⁰ Malia alioze kechi kukuta; malinga ukoi, alioze kechi kuliokesa, mumu hanehuka Yehova akalalaminye ku ukoi.

Mukanda Wa Zambi 1970

¹⁰ Munukalia chitundo chenu cha milambu, hindu munukevwa zala. Munukakombelela hamba njinga, hindu kunuchi kabwa ni ana, mumu hinunangwehuka ha kukaula mazambi eka.”

Hosea 4:10 Iomraidhean Croise

2 Sango Ja Mianangana 24:17

Muze Jehoiada hafwa yikwiza alemu ja A-Yunda nikuwayila mwanangana. Mba mwanangana yapanjika kuli ayo.

Miaso (Masamu) 125:5

Alioze waze akupiasuka mu majila ahenga, Yehova kumakaatuhwisa hamuwika ni akwa kulinga uhenge. Sambukila yikapwe hali Izalele.

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Yishima 13:25

Mukwa ululi kakulia ndo kuyukisa mbunge yenyi; alioze jimo lia chingulungulu mulikahona.

Jeremia 34:15

Matangwa akehe kunyima nwalikonyekene ni kulinga chipema kumeso jami ni kwambujola utuswilo, mutu mweswe kuli mukwo. Nwakolesele usendo kumeso jami mu zuwo lino haliluka jina liami.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Ezekiel 18:24

Alioze muze mukwa ululi mahichika ululi wenyi akalinge uhenge, ni kulinga yuma ya lwaji yize yene chingulungulu akulinga, te makatwama ni mwono? Nichimwe chitanga chenyi cha ululi halinga makamwiwulukilacho. Ha mafwefwe aze hahila, ni mulonga uze havulumuna kumakafwa.

Ezekiel 22:9

Muli yena kwali malunga akwa kulamikiza hanga akamwange manyinga, ni malunga akwa kulila ha milundu, ni malunga akwa kulinga luchisa.

Hosea 4:14

Chichi kuhana kastigu kuli anenu a mapwo muze malinga ukoi, chipwe ndungi jenu muze malinga utanji; mumu malunga ene kakuhambuluka ni yikoi nikushiha yitapo ni yikoi a ku matembele. Atu keshi mana kumakaonwona.

Hosea 7:4

O kapwa eswe akwa utanji. Kapwa ngwe jiko lia kahia, mukwa kulinga mbolo kechi kulisosela nawa ndo maweza futunwiso ku mbolo yize hachika kulu.

Alevi 26:26

Muze mungunuhonesa kulia chize nwafuliela, kumi lia mapwo mocha mbolo jenu mu forno yimuwika. Manuzongelajo ha pezu hindu munulia kunuchi kukuta.

Mika 6:14

Kulia munulia alioze kunuchi kukuta; zala muyikatwama muchima lienu. Munutulika yuma ahoze kunuchi kapita. Ni yize munupita, yami munguyikunjika ku katana.

Zefania 1:6

waze hanalitwamina kukaula Yehova; kafupile Yehova, chipwe kumuhula.

Hagai 1:6

Hinwalima chinji, alioze hinwacha chikepe. Nunali, alioze kunwakuchile. Nunanu alioze pwila kuyahwile. Nwazala, alioze eswe chishika nunevu. Ni yoze wakulingila fweto, kakulingila fweto akayise mu njeke yikwete yituwa.