Hosea 4:1 - MUKANDA USANDU WA ZAMBI 1975

¹ Enu A-Izalele ivwenu liji lia Yehova mumu Yehova kanasumu akwa chifuchi. Mu chifuchi kushishika chakuhi, chipwe utu, chipwe kunyingika Zambi.

Mukanda Wa Zambi 1970

¹ Mwene Zambi kanasumu atu a mu chifuchi mulonga. Yenu Aisraele, banjikenu, yize anambe Mwene Zambi ngwenyi: “Mu chifuchi kumushi ululi ni zango; atu kaanyingikine Zambi.

Hosea 4:1 Iomraidhean Croise

1 Yitanga Ya Mianangana 22:19

Mikaia ngwenyi, Ena kashika panjika ku liji lia Yehova. Namwene Yehova ha ngunja yenyi ni mbunga yeswe ya mwilu kanamana ha chindume chenyi ni ha chimeso chenyi.

Miaso (Masamu) 81:9

Kachi niumwe zambi ya tundaka keshiko hakachi kenu. Chipwe kuwayila umwe zambi ya tundaka kachi kunwachilingile.

Izaya 1:10

Ivwenu liji lia Yehova enu akwa kuyula Sondome! Panjikenu longeso lia Zambi yetu, enu atu a Ngomora!

Izaya 1:18

Yehova kanambe ngwenyi, Tweyenu tulishimwinye hamuwika. Chipwe milonga yenu yachila nge, kumuyipwa yitoma ngwe neve. Chipwe yahiana kuchila, muyalumuka ngwe wanda utoma.

Izaya 28:14

Kashika, yenu akwa kulenya, nwayula vungu lino mu Yerusaleme, panjikenu liji lia Yehova!

Izaya 34:1

Enu, mavungu, kundamenu nwivwe, enu minyachi, panjikenu! Hashi kakevwe, ni waze eswe akuzalisaho, ni muno-muze ni yuma yeswe yakusemukamo.

Izaya 34:8

Mumu Yehova kali ni tangwa lia kukala milonga, mwaka wa kufwetesa ha chikuma cha Zaione.

Izaya 5:3

Kashika, enu nwatwama mu Yerusaleme ni yenu malunga ja Yunda, ngunalembe, patulenu hakachi ka yami ni munda wami.

Izaya 59:4

Niumwe unasopo ni ululi, niumwe unatwala chikuma chenyi ku lwaza ni mbunge yipema. Kakufuliela ungaji wamokomoko, kakuhanjika mahuza. Kakwaka uhuka ni kusema uhenge.

Izaya 59:8

Jila ya uhwimino kayinyingikine, mu majila jo kumushi ululi. Hapwisa majila jo ja uhenge, waze alimo kanyingikine uhwimino.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Jeremia 11:7

Mumu natowezele tulamba twenu ni tachi muze naachijile ku chifuchi cha Engitu, nikwatoweza tangwa ha tangwa ndo musono uno ngwami, Ononokenu ku liji liami.

Jeremia 19:3

Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Jeremia 2:4

Enu munyachi wa Yakomba, ni yenu majimo eswe a munyachi wa Izalele, ivwenu liji lia Yehova.

Jeremia 2:9

Yehova kanambe ngwenyi, Kashika nguchili nikulitachika ni yenu, mungulitachika ni ana ja ana jenu.

Jeremia 25:31

Chizungozungo muchikaheta ndo ku masongo a hashi, mumu Yehova kali ni chikuma kusuma nacho mavungu. Kanaputuka kusopa ni atu eswe a musunya, mba yingulungulu kumakaashiha ni katana. Chocho kanambe Yehova.

Jeremia 34:4

Alioze ivwa liji lia Yehova, ena Zedekia mwanangana wa Yunda. Yehova kanambe ha kutwala kuli yena ngwenyi, Kuchi kafwa ni katana.

Jeremia 4:22

Mumu atu jami kanahepuka, kangunyingikine, yelo ja ana keshi yinyingi. Mana a kulinga yipi kali no, alioze kanyingikine kulinga yipema.

Jeremia 4:28

Ha chikuma chino hashi muhalishimwoka ni malilu malá pwi; mumu hinamba, hinapala, chalikonyekene, chichi kahiluka kunyima.

Jeremia 5:4

Yingwamba ngwami, Wano yiswale wika, keshi mana, mumu kanyingikine jila ya Yehova, shimbi ya Zambi yo.

Jeremia 51:5

Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Jeremia 7:28

Muwamba kuli ayo ngwe, Wano e atu kononokene ku liji lia Yehova Zambi yo, katambwile lufumbo; umwenemwene hiwatoka, hauteta ku mivumbo yo.

Jeremia 9:20

Enu mapwo ivwenu liji lia Yehova, matwi jenu atambule liji lia mu kanwa lienyi. Longesenu anenu a mapwo mwaso wa mbimbi, mutu mweswe alongese mwenyembo wenyi kwimba lungungu ni chinyengo.

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Jeremia 9:7

Kashika chocho kanambe Yehova-wa-Tujita, Mungwapemesa ni kahia, mungwaeseka. Chikwo chika munguhasa kulinga kuli atu jami?

Ezekiel 16:35

Kashika yena chikoi, ivwa liji ha Yehova.

Hosea 12:2

Yehova kanasumu Yunda, kumakalamba Yakomba kastigu ya kulita ni ndako jenyi. Kumakamufwetesa nikulita ni yitanga yenyi.

Hosea 12:3

Mwe mu jimo yakwata yayo ku kashijino, muze hapwa lunga yalitachika ni Zambi.

Hosea 5:1

Enu asasendote, ivwenu chino! Enu munyachi wa Izalele, panjikenu! Enu munyachi wa mwanangana, halakanenu! Upatwilo unatwala kuli yenu, mumu hinwapwa kambwila ku Mizepa, hinwapwa wanda wa kuta ku Tabore.

Hosea 5:4

Yitanga yo kuyaatayijile kuhiluka kuli Zambi yo. Mumu mbunge ja ukoi ali najo, chikwo nawa Yehova kamunyingikine.

Joele 1:2

Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Amose 3:1

Enu A-Izalele, ivwenu liji lino Yehova hanahanjika lia kulimika ni yenu, munyachi uze weswe nachijile ku chifuchi cha Engitu, ngwami,

Amose 7:16

Kashika ivwa liji lia Yehova. Ena unambe ngwe, Kanda uprofeteza kulimika ni Izalele, kanda ushindakenya kulimika ni munyachi wa Izake.

Mika 6:2

Enu milundu ivwenu chikuma cha Yehova, ni yenu fundamentu jikolo ja hashi; mumu Yehova kanasumu atu jenyi, makasopa ni A-Izalele.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

1 Korintu 15:34

Lawilenu ku ululi, kanda nuvulumuna; mumu amwe keshi chinyingi cha Zambi: ngunahanjika chino hanga ngunukolese sonyi.

Usolwelo 2:11

Yoze uli ni matwi, evwe chize anambe Spiritu ku yikungulwila. Yoze makumba kechi kalemana nichimwe ku kufwa chamuchiali.

Usolwelo 2:29

Yoze uli ni matwi, evwe chize anambe Spiritu ku yikungulwila.