Hosea 3:5 - MUKANDA USANDU WA ZAMBI 1975

⁵ Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Mukanda Wa Zambi 1970

⁵ Alioze tangwa kumulikeza lize Aisraele maakahiluka nawa kuli Mwene Zambi, Zambi yo, ni kuli umwe wa ku vungu lia David mwanangana wo. Mba maakalemesa Mwene Zambi ni kutambula yawana yenyi yibema.

Hosea 3:5 Iomraidhean Croise

1 Yitanga Ya Mianangana 12:16

Muze A-Izalele eswe amwene ngwo, Mwanangana kapanjikile o yakumbulula mwanangana ngwo, Te chihanda tuli nacho muli David nyi? Kutushi chihinga muli mwe mwana Yese. A-Izalele yénu ku mazuwo jenu, ni yena David hitala ku yuma ya zuwo lia yena mwene. Kashika A-Izalele ayile ku mazuwo jo.

Izaya 17:7

Ha tangwa lize atu mazewula Tangi yo, meso jo matala kuli mwe Musandu wa Izalele.

Izaya 2:2

Muchiza kupwa ha matangwa a kusula mulundu wa zuwo lia Yehova maukolesa ukahiane milundu yeswe ha kusuha. Maunangamisa helu lia mindundena yeswe, mba mavungu eswe matalikisako.

Izaya 2:3

Akwa minyachi yinji meza ngwo, Tuyenu tukanduke ku mulundu wa Yehova, ku zuwo lia Zambi ya Yakomba; atulongese ndako jenyi tukende mu majila jenyi. Mumu mwe mu Zaione mumutuhukila shimbi, liji lia Yehova mulituhuka mu Yerusaleme.

Izaya 60:5

Munukamona, munukapanguluka. Mbunge jenu mujikawaha ni kulikwiza, mumu matalikisa kulumbama cheswe cha kalunga-lwiji kuli yenu, upite wa mavungu muukeza kuli yenu.

Izaya 9:13

Atu katewulukilile kuli yoze waalambile, kafupile Yehova-wa-Tujita.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 30:24

Utenu usasu wa Yehova kuuchi kahiluka ndo halinga ni kumanuna upale wa manyonga jenyi. Ha matangwa a kusula chino muchinulumbunuka.

Jeremia 30:9

Alioze makalingila Yehova Zambi yo ni David mwanangana wo yoze mungusolola mumu hali ayo.

Jeremia 33:17

Mumu Yehova kanambe ngwenyi, David kechi kahona lunga kutwama ha ngunja ya munyachi wa Izalele,

Jeremia 33:9

Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Ezekiel 38:16

Mukeza kulimika ni atu jami A-Izalele, ngwe lelwa lia kufuka chifuchi. Ha matangwa a kusula mungukakukoka ulimike ni chifuchi chami hanga mavungu ukangunyingike muze mungukasolola usandu wami muli yena Ngoke kumeso jo.

Ezekiel 38:8

Kulutwe lia matangwa anji makakukungulula; ha miaka ya kusula mukaya kulimika ni chifuchi chize hanachihwimisa ku jita ni kuchilulika; chifuchi kuze e atu haakonga ku mavungu anji ku milundu ya Izalele kuze kwapwile te puya ya miaka. Atu jako aachijile hakachi ka mavungu mba haliapwila kanatwama ni chipi kuchishiko—e eswe lume.

Daniel 10:14

Haliapwila hineza ngukulumbunwine yize muyikawana atu je ha matangwa a kusula. Mumu usolwelo watwala ku matangwa aze meza kwiza.

Daniel 2:28

Alioze umwe Zambi mwilu mwali mukwa kujimbula yijimbikilo, mba iye hasolola kuli mwanangana Nabukanezore yuma yize muyikapwa ha matangwa a kusula. Chilota chenu ni usolwelo wa mutwe wenu shimbu nuli ha muhela wenu, yino:

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 11:10

O kumakakaula Yehova, mba iye makateta ngwe ndumba. Ewa makateta mba anenyi-a-malunga meza nikuchikima ni kukatuka ku Chitokelo.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,

Hosea 5:6

Makaya kufupa Yehova ni mapanga jo ni ngombe jo, alioze kechi kamuwana; mumu hanakatuka kuli ayo.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Amose 9:11

Ha tangwa lize mungutungulula nawa mbalaka ya David yize hiyinapuzuka. Mungukalulika yituwa yayo, nikumika nawa yize yalimbuka hashi, ni kuyitungulula chizechene ngwe ha matangwa a kunyima,

Mika 4:1

Muchikapwa ha matangwa a kusula mulundu wa zuwo lia Yehova makaukolesa ngwe mulundu uze Wahiana kusuha. Makalinangamisa helu lia mindundena mba mavungu mazombokelamo.

Kwalula 24:14

Kumanyi, haliapwila munguya kuli atu jami: mungukulweza chize wano atu makalinga kuli atu je ha matangwa a kusula.

A-ROMA 11:25

Mumu chazangile yenu, mandumbu, kwalajala ha chijimbikilo chino, kuchina munukanyama ni kutaka cha yenwene, ngwe kukalisa ha chihanda hichawana A-Izalele, ndo ku kuzala tò cha akwa mavungu muchiza:

A-ROMA 2:4

Shina unalelesa kulumbama cha utu wenyi ni uhumikizo ni uhomboloji; ngwe kwanyingikine utu wa Zambi kuunakukoko Ulikonyeke.

Shimbi 4:30

Ha luyinda ni yuma yino yeswe muyinuwana ha matangwa a kusula, mba munukahiluka kuli Yehova Zambi yenu ni kupanjika ku liji lienyi,