Hosea 3:4 - MUKANDA USANDU WA ZAMBI 1975

⁴ Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Mukanda Wa Zambi 1970

⁴ Kulumbunuka ngwo, Aisraele matangwa anji maakabalika, maakahona mianangana ni akwa kuyula, chibwe milambu, hanji tumenga a mawe, chibwe mahamba, hanji ngombo.

Hosea 3:4 Iomraidhean Croise

Ubutukilo 31:19

Alioze te Lapane haya kutewula mapanga jenyi, kashika Rakele yeya mahamba ja tato.

Ubutukilo 31:34

Rakele iye te handa mahamba, haasweka mu seleyi ya kamelu, yatwamaho. Lapane yapolongoza mweswe mu mbalaka, kaawanyine.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

2 Samuel 6:14

David wahanganyine kumeso ja Yehova ni mbunge yenyi yeswe. David te kanazala efode ya hina lipema litoma.

1 MIANANGANA 23:24

Chikwo nawa waze eswe apwile ni mahamba, ni akwa umbanda, ni terafimi, ni tuponya, ni yizelwokeso yize yeswe awanyine mu chifuchi cha Yunda ni mu Yerusaleme, Josia yayichiza akalite ni maliji a shimbi aze a kusoneka mu mukanda sasendote Hilekia wawanyine mu zuwo lia Yehova.

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

Kutuhuka 28:4

Mazalo matonga wano; ni chipwiko, ni efode, ni hina lia ngungu, ni chikuto cha milimo ya kwola ya uhenya, ni kapusa, ni muya wa ponda; akatongele yayenu Arone ni ana jenyi a malunga mazalo asandu hanga iye akangulingile usasendote.

Kutuhuka 28:6

Akalinge ye efode ya oru ni ya hina lilauluka, ni lia ufungo, ni lia ngengu, ni lipema litoma, chitanga cha chilangaji.

Lungungu 2:9

Yikolo yenyi hiyinanjila mu mavu; hanonwona njalo jako ni kujimakwona. Mwanangana ni alemu jenyi hanayi hakachi ka mavungu; shimbi kuyishiko, ni aprofeta jenyi katambwile usolwelo kuli Yehova.

Ezekiel 19:14

Kahia hikatuhukila ku chishina, hikalia mitango ni mihuko; chocho kuushi nawa ni chishina cha tachi, chipwe lukanda wa mukwa kuyula. Chino chapwa mwaso wa lungungu, hichalumuka nawa mwaso wa lungungu.

Ezekiel 20:32

Chize chili mu manyonga jenu kuchichi kwiza kupwa, ha kwamba ngwenu, Tukalifwe ni mavungu, ngwe minyachi ya yifuchi tukakombelele mitondo ni mawe.

Ezekiel 21:21

Mumu mwanangana wa Babilonia kanamanyina ku makano, kwe ku songo lia majila aali. Kanatahe; kanasakula mivu yenyi; kanahula terafimi; kanatale ku liayi.

Ezekiel 21:31

Munguzukula hali yenu ufwatulo wami. Mungukafuza hali yenu kahia ka ufwatulo wami; mungukanukuniika mu tachi ja malunga yingandangali waze hajama ha milimo ya kwonwona.

Daniel 11:31

Maswalale a kuli iye makasoloka; makajilula zuwo lisandu ni zuwo lia mbonge; makachiza mulambu wa kulumba wa matangwa eswe, mba makamika chizelwokeso cha kwenyeka.

Daniel 12:11

Chize ku tangwa lize makachiza mulambu wa kulumba wa matangwa eswe, ni kumika cha chizelwokeso cha kwenyeka, kumukukapwa kanunu ka matangwa ni kulakaji aali a matangwa ni makumi livwa a matangwa.

Daniel 9:27

Iye makakolesa usendo ni e anji ha semana yimuwika, alioze hakachi ka semana masulisa yitapo ni milambu. Ha mapulwa ja yizelwokeso kumukeza umwe mukwa kwenyeka, ndo mazukwila hali mwe chenyeke songo lize hanamufunjikila.

Hosea 13:10

Mwanangana wenu yoze manulamwina kulihi ali? Alemu jenu akwa kunufunga— waze nwambile ngwenu, Twehe mwanangana ni alemu?

Hosea 13:11

Hinanwaha mianangana ni utenu wami, mba hinaachiza ni ufwatulo wami.

Hosea 2:11

Mungusulisa chiseke chenyi cheswe, ni yiwanyino yenyi, ni yikungulwila ya kakweji mwaha ni masambata, ni yiwanyino yenyi yeswe ya kufunjika.

Alevi 8:7

yamujika che chikuto, yamujichika we muya wa ponda, yamusa lie hina lia ngungu, ni ye efode, yamujichikayo ni muya wa ponda wa ulangaji wa ku efode.

Zakaria 10:2

Mumu terafimi hanahanjika chize kuchalumbunukine; tahi hanamono mahuza; akwa yilota kanaula yilota ya kwonga, nikulembejeka chamokomoko. Kashika atu anendangana ngwe mapanga; kanapinji mumu ha kuhona kafunga.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Yoano 19:15

O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare.

Hebreu 10:26

Mumu kachi mutuvulumuna ni mbunge yeswe muze te hitunatambula yinyingi ya umwenemwene, chitapo ha milonga kuchishiko nawa;

Akwa Kuyula 17:5

Mwe lunga Mika wapwile ni zuwo lia tuponya, kashika yalinga efode ni terafimi, yasela umwe mwanenyi akapwe sasendote yenyi.

Akwa Kuyula 18:14

Henaho malunga aze te ayile mukwendesa chifuchi cha Laishe, ambile kuli akwo ngwo, Kunwanyingikine ngwenu, Mu mazuwo ano atwama efode, ni terafimi, ni kaponya wa kwola, ni kaponya wa kuzuzulula? Kashika nyongenu kanawa chize munulinga.

Akwa Kuyula 8:27

Ngideone walingile nayo efode, yayisa mu chihunda chenyi mu Ofra. Mba A-Izalele eswe akawile chuma chize ngwe ukoi. Chalumukine kambwila kuli Ngideone ni kuli usoko wenyi eswe.

1 Samuel 14:3

Ni Ahija, mwana wa Ahitube, yayo ya Ikabode, mwana wa Finehase, mwana wa Eli sasendote ya Yehova mu Shilo iye kali ni efode. Chipwe atu kanyingikine ngwo, Jonatas haya.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.

1 Samuel 21:9

Sasendote ngwenyi, Katana ka Ngoliate Ka-Filistea yoze washihile mu chikulo cha Ela tuli nenyi wa kuvunga mu hina kunyima lia efode. Nyi unazange kumbata yoze, mumbate mumu mukwo kutushi nenyi kuno. David ngwenyi, Kukushi mukwo walita nenyi; penuye!

1 Samuel 22:18

Mba mwanangana yamba kuli Doege ngwenyi, Tewuluka yena Ushihe asasendote. Doege Ka-Endome yatewuluka yashiha asasendote. Ha tangwa lize yashiha makumi nake a atu ni atu atano, eswe te akwa kuzala efode ya hina litoma lipema.

1 Samuel 23:6

Muze Abiatare mwana wa Ahimeleke wachinyinyine kuli David ku Kela, wayile ni efode mu kwoko.

1 Samuel 23:9

David yanyingika ngwenyi, Saulu chipi kananguhalila mba yamba kuli sasendote Abiatare ngwenyi, Neha efode kuno.

1 Samuel 30:7

David yamba kuli sasendote Abiatare mwana wa Ahimeleke ngwenyi, Ngunehene ye efode. Abiatare yaneha efode kuli David.