Hosea 3:2 - MUKANDA USANDU WA ZAMBI 1975

² Chocho namufwetele ni kumi lia shekele ni shekele jitano ja prata, ni njongo ya *homere ni chihanda ya sevada.

Mukanda Wa Zambi 1970

² Kashika ha kumutambula nawa yingufweta yipinji ya prata kumi ni yitano, ni kilo ja masa 150.

Hosea 3:2 Iomraidhean Croise

Ubutukilo 31:41

Makumi aali a miaka natwama mu zuwo lie. Nakulingilile milimo kumi lia miaka ni miaka yiwana hali ana je a mapwo aali. Nawezele miaka yisambano hali yimuna je, alioze walumionene fweto yami kumi lia yisuho.

Ubutukilo 34:12

Tongolenu yihako yeswayo chipwe yawana. Mungunwaha cheswacho munwita. Alioze ngwehenu mwe mwana-pwo tumumbate.

Kutuhuka 22:17

Kachi tato ya mwana-pwo kasolo pundu kumwahaye, mwe lunga akafwete mbongo nikulita ni yihako ya ana-mapwo waze kanda achipomba ni malunga.

Izaya 5:10

Mumu munda wa uva wa kulima ni kumi lia kanga ja ngombe muwima *mbate yimuwika, ni njongo ya *homere yimuwika muyima *efa wika.

Ezekiel 45:11

*Efa ni *mbate muyikapwa ya cheseko chimuwika. Mbate muyikapwa chihanda cha kumi cha *homere, ni efa nawa chihanda cha kumi cha homere. Ye homere muyikapwa chinyingi cha kuzonga nacho.

Hosea 3:3

Yingumwamba ngwami, Mukapwa pwo liami matangwa anji; kuchi kalinga utanji, hanji kupwa wa mbala, ni yami nawa chocho mungukapwa kuli yena.

Alevi 27:16

Nyi umwe masela chihanda cha chihinga chenyi cha chifuchi chisandu kuli Yehova, mba ndando munusela muyilita ni mbuto yacho. Mavu aze malita nikulima njongo ya homere yimuwika ya sevada munusela ndando ya makumi atano a shekele ja prata.

Rute 4:10

Chikwo nawa ngunakula Rute Ka-Moape twamishi wa Malone akapwe pwo liami, mukulindulula jina lia mwe mufu mu chihinga chenyi, kuchina jina lia mwe mufu mulikajimuka hakachi ka ana-akwo ni ayayo mu chikolo cha chijima chenyi. Enu nuli yela musono.

1 Samuel 18:25

Saulu yamba ngwenyi, Ambenu kuli David ngwenu, Mwanangana kazangile yihako yikwo shina misosha ya kulakaji lia A-Filistea akalikale hali akwa kole jenyi. Saulu kananyongo ngwenyi, David mafwa kuli A-Filistea.