Hosea 2:8 - MUKANDA USANDU WA ZAMBI 1975

⁸ Kanyingikine, yami namuhele mbuto, ni vinyu, ni maji, nikumwaha prata ni oru ya kulumbama, yize o alingilile nayo Mbale.

Mukanda Wa Zambi 1970

⁸ Katayijile ko ngwenyi, yami mwene namuhele mbuto, ni vinyu, ni maji a olive, ni prata, ni oru yeswe yize akuwayila nayo hamba Bale.

Hosea 2:8 Iomraidhean Croise

1 Sango Ja Mianangana 29:16

Yehova Zambi yetu yuma yino yeswe hitwalulika kukutungila zuwo ha jina lie lisandu yeswe yinakatuka kuli yena; yeswe ya mbala ya yena.

Jobe 19:8

Hanashichi jila yami, kashika chahashile kupalika. Hanase milima ha majila jami

Izaya 1:3

Ngombe kananyingika kakó, ni chimbulu kananyingika chililo cha yoze wamuyula; alioze A-Izalele kanyingikine, kuchalumbunukine kuli atu jami.

Izaya 46:6

Waze akumwanga oru ya mu ngonga jo, kakupezalisa prata ha mbalansa, kakulakenya ndando kuli fuli ya oru, mba machitenga umwe zambi, mba o mafulamana ni kuwayila!

Jeremia 7:18

Ana kakucha kunyi, atato mawika kahia, mapwo machika wunga akalingile tumbolo mwanangana wa pwo wa malilu. Mba kakuzuza milambu ya kunwa kuli mazambi eka akangwihie.

Ezekiel 23:41

Yiutwama ha chitwamo cha uhenya ni mesa ya kwala kulutwe liacho, henaho wasele insensu yami ni maji jami.

Daniel 3:1

Mwanangana Nabukanezore walingile umwe kaponya wa oru, Chizundamo chenyi makumi asambano a mbandu, ni utohe wenyi mbandu jisambano. Yamumika ha chana cha Dura mu provincia ya Babilonia.

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Hosea 13:1

Ha kuhanjika Eframe, malunga achikimine; wanangamine mu Izalele; alioze wahile ha mulonga wa Mbale, wafwile.

Hosea 13:2

Ni haliapwila kanaliwezela uvulumunyi weka ni weka nikulilingila tuponya twa kuzuzulula, ni mahamba a kulinga ni utotombo ni prata yo. Yeswe, milimo ya yilangaji. Shihilenu yitapo kuli wano ngwo, Atu kakumbejala ana a ngombe!

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 4:11

Ukoi ni vinyu kuyakuchiza mana, ni vinyu yaha nawa.

Hosea 8:4

Alingile mianangana, alioze hi ni yami ko. Amikine alemu, ami chachinyingikine. Alingile mahamba ja prata ni oru a kulionwona ene.

Habakuke 1:16

Kashika kakushihila yitapo wanda wenyi, nikwochela insensu tambi lienyi mumu kwenako azukila yuma yipema ni kulia chenyi chinawaha.

Luka 15:13

Mba kulutwe lia matangwa akepe, mwe kanuke wakungile yeswe, wakatukile akaye mu wenyi ku chifuchi kusuku, ni kuze wamwangine yikumba yenyi nikuhungumuka ni yipi.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

Shimbi 8:18

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

Akwa Kuyula 9:27

Yaya ku minda yo. Yahela uva ku minda yo ya uva. Yayikama. Yalinga festa. Yanjila mu zuwo lia zambi yo nikulia, nikunwa, nikutuka Apimeleke.