Hosea 2:7 - MUKANDA USANDU WA ZAMBI 1975

⁷ Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Mukanda Wa Zambi 1970

⁷ Makaula masepa jenyi fuji, alioze kechi kaaheta. Makaafupa alioze kechi kaamona. Mba makalihanjikisa ngwenyi: “Nyi chize, ngunahiluka kuli lunga liami mutangu, mumu nabwile kanawa, hi ngwe chize ko nguli haliabwila.”

Hosea 2:7 Iomraidhean Croise

2 Sango Ja Mianangana 28:23

Mumu yalambula yitapo ku mazambi a Ndamaseku aze te anamulambe, ngwenyi, Se mazambi ja mianangana ja Seria kanaakwasa, ni yami mungwalambula yitapo hanga angukwase yami nawa. Alioze e aze amwonwene, ni A-Izalele eswe hamuwika.

Miaso (Masamu) 116:7

Mbunge yami hiluka ku uhwimino we, mumu Yehova hanakwehe ya kulumbama.

Izaya 30:16

Nwambile ngwenu, Hi chocho ko! Mututambwisa tuvwalu twetu. Kashika munukatambuka kukatukako. Nwambile ngwenu, Mutwenda ha tuvwalu a tambu. Kashika akwa kunuhanga makapwa ni tambu.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 2:28

Alioze mazambi jenu kuli ali waze nwalilingilile yenwene? Nyi mahasa kunulamwina ha mwaka wa lamba lienu, akatuke! Mumu yena Yunda mazambi je hoka ngwe yihunda ye.

Jeremia 2:36

Chapwa chilelu kuli yena kuhehwangila nikwalumiona ndako je! Alioze kumakukolesa sonyi kuli A-Engitu chizechene ngwe akukolesele sonyi kuli A-Asuria.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 31:18

Hinevwa A-Eframe nikutwa mikuma ngwenyi, Hiwangufumba mba nafumbiwa ngwe musamba wa ngombe yoze kanda amuhombwesa. Nguhilwise kama hanga ngukahuzuluke mumu uli Yehova Zambi yami.

Jeremia 31:32

Yehova kanambe ngwenyi, Chichi kulinga usendo ngwe uze nalingile ni tulamba two muze naakwachile ku kwoko ngukaachize ku chifuchi cha Engitu. Usendo wami autangwile chipwe napwile mukwolunga.

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Ezekiel 16:18

Yiwanda nawa mazalo je a mbordado Ukafuke tuponya waze, ni kusa maji jami ni insensu yami kumeso jo.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Ezekiel 20:32

Chize chili mu manyonga jenu kuchichi kwiza kupwa, ha kwamba ngwenu, Tukalifwe ni mavungu, ngwe minyachi ya yifuchi tukakombelele mitondo ni mawe.

Ezekiel 23:12

Aye yafwila A-Asuria, anguvulu ni tupitau, tujita a kuzala Utale ndusu mujimba weswe; akwa kwenda hali tuvwalu, eswe akweze a kuzanga.

Ezekiel 23:22

Kashika yena Oholiba, Mwene Yehova kanambe ngwenyi, Nyingika, munguvundula kulimika ni yena akwa zango lie waze watewulukile kuli ayo ni lwaji, hindu mungukaakungulwila kulimika ni yena sali ni sali;

Ezekiel 23:4

Jina lia mukulwana Ohola, jina lia kanuke Oholiba. Yami naatambwile mba yasema ana ja malunga ni a mapwo. Ha kutwala ku majina jo, Ohola aye Samaria; Oholiba aye Yerusaleme.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Hosea 1:2

Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 2:16

Yehova kanambe ngwenyi, Ha tangwa lize mukangutongola ngwe, Mukwetu-lunga. Kuchi kangutongola nawa ngwe, Mbale yami.

Hosea 5:13

Muze Eframe hamona musongo wenyi; muze Yunda hamona mbandu yenyi, mba Eframe wayile ku Asuria; yatuma kuli mwanangana wa kulitachika. Alioze aye kahashile kukuwuka chipwe kuwuka mbandu ye.

Hosea 5:15

Munguhiluka nawa kuma kwami, ndo matayiza uhie wo ni kufupa meso jami. Mu luyinda wo mangufupa ni mbunge yeswe, ngwo,