Hosea 2:3 - MUKANDA USANDU WA ZAMBI 1975

³ Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Mukanda Wa Zambi 1970

³ Nyi kasolo, mungukamuzula mahina jenyi, makabwa uselesele ngwe tangwa lize asemukine. Mungukamuwangamisa, makoma ngwe chifuchi chumu, makafwa ni pwila.

Hosea 2:3 Iomraidhean Croise

Kutuhuka 17:3

Kwe kuze atu evwile pwila ya meya. E atu yalinyenyeta ni Mose ngwo, Kuchi te watuchijile ku Engitu? Mukutushiha ni pwila, ni ana jetu ni yimuna jetu nyi?

Izaya 33:9

Chifuchi chinalili ni kuhonga; Lebano kuyinatatajala ni kulela; Sharone yapwa ngwe puya, ni Mbashane ni Karmela kanalakumuna mafwo jo.

Izaya 47:3

Makufukula uselesele we, mba sonyi je mujikamoneka. Mungufwetesa; chichi kuvwila keke niumwe.

Izaya 64:10

Yihunda ye yisandu hiyalumuka puya. Zaione hiyalumuka puya, Yerusaleme hiyapwa ya hululu.

Jeremia 12:10

Tufunga anji hanenyeka munda wami wa uva, hanaliate chihinga chami ni molu jo, hanapwisa chihinga chami chipema ngwe puya ya hululu.

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 13:26

Yami mwene munguzundula hina lie ndo ku meso, hanga sonyi je jikamoneke.

Jeremia 14:3

Alemu jenyi kakutuma ngamba jo ku meya; kakwiza ku mashima, keshi kuwana meya, kakuhiluka ni yikwachilo ya upolongo, kakupwa ni sonyi, chakwatatajala, kakutuka mitwe yo.

Jeremia 17:6

Aye kanapu ngwe chiputa mu puya, kechi kamona chipema chineza. Kumakatwama mu yihela yumu ya puya, mu chifuchi cha mungwa kuchishi atu.

Jeremia 2:31

Ni yenu akwa chisemuko chino, panjikenu liji lia Yehova. Te hinapwa kuli Izalele ngwe puya? Hinapwa ngwe chifuchi cha milima pwi? Nyi chocho kuchi te atu jami kakwamba ngwo, Tunatusuka, kutuchi kwiza nawa kuli yena?

Jeremia 2:6

Kambile ngwo, Yehova kuli ali? Yoze watuchijile ku chifuchi cha Engitu, watusongwelele mu puya, mu chifuchi cha kango ni mena, mu chifuchi cha pwila ni milima pwi, mu chifuchi kuze niumwe mapalikamo, niumwe matwamamo.

Jeremia 22:6

Mumu ha kutwala ku munyachi wa mwanangana wa Yunda, Yehova kanambe ngwenyi, Enu nwapwa kuli yami ngwe Ngiliate ngwe mbulwa mulundu wa Lebano, hindu mungunupwisa puya; chihunda kuchishi atu.

Jeremia 4:26

Natalile, kumanyi chifuchi cha mihuko hichalumuka puya, yihunda yacho yeswe hanayipuzula, kumeso ja Yehova ni ufwatulo wenyi usasu.

Jeremia 51:43

Yihunda yenyi hiyalumuka yuma ya mwongo, chifuchi chenyi cha changa ni puya, chifuchi kuze kukushi atu, kuze niumwe mwana mutu keshi kupalika.

Jeremia 51:5

Mumu A-Izalele ni A-Yunda kaehukile kuli Zambi yo Yehova-wa-Tujita; alioze chifuchi cha A-Kaletea chazala ni uhie kuli mwe Musandu wa Izalele.

Ezekiel 16:22

Ni ha yitanga ye yeswe ya lwaji, ni ukoi we, kwewulukile matangwa a wana-mapwo we muze wapwile wa uselesele, kushi mazalo, ni kutunya mu manyinga je.

Ezekiel 19:13

Haliapwila hautumbulula mu puya, mu chifuchi kuchishi meya, cha pwila.

Hosea 13:15

Chipwe matatuka hakachi ka ayayo hindu fuji ya ku Chivumbuko muyiza, fuji ya kuli Yehova ni kukatuka ku puya. Mba shima lienyi muliuma; fuji lienyi lia meya mulipwa lia chau. Kumuyikahupa yuma yeswe yilemu ku zuwo lienyi lia kutulikila upite.

Hosea 2:10

Mba mungutukula usolo wenyi kumeso Ja akwa zango lienyi. Niumwe mamupulula ku moko jami.

Usolwelo 17:16

Ni kumi lia mbinga jize hiwamona, ni ngongo, wano kumakapwa ni kole kuli chikoi, makamupwisa wa hululu, makamupwisa ni uselesele, makalia musunya wenyi, makamwocha ni kahia.

Akwa Kuyula 15:18

Pwila yinji evwile, kashika yateta kuli Yehova, ngwenyi, Ulamwino uno unene unahana ku kwoko lia yami kanganda ke, mba haliapwila ngufwe ni pwila, wano yilima akangukwate nyi?