Hosea 2:23 - MUKANDA USANDU WA ZAMBI 1975

²³ mba mungukamutumba hali yami mwene mu chifuchi. Mungukavwila keke Lo-Ruhama; kuli Lo-Ami mungukamba ngwami, Atu jami, mba iye makamba ngwenyi, Uli Zambi yami.

Mukanda Wa Zambi 1970

²³ Mungukatumbika atu jami mu chifuchi ni kwawahisa. Mungukazanga waze akwamba ngwo: “Keshi kwazanga.” Kuli waze akwamba ngwo: “Kulikanza,” mungukamba ngwami: “Nuli atu jami.” No maakangwamba ngwo: “Yena uli Zambi yetu.”

Hosea 2:23 Iomraidhean Croise

Miaso (Masamu) 118:28

Yena uli Zambi, yami mungukusakwilila. Uli Zambi yami, mungukunangamisa.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 68:31

Yilolo makatuka ku Engitu; Etiopia malipupwisa kuzoza moko jenyi kuli Zambi.

Miaso (Masamu) 72:16

Kumukukapwa kulumbama cha mbuto mu mavu helu lia milundu. Mihuko yaho kumuyikanyika ngwe Lebano, waze atwama mu chihunda kumakatatuka ngwe mwambu wa hashi.

Mwaso Ubema Wahiana 2:16

Mukwa zango liami kapwa niwami, ni yami napwa niwenyi. Kakulisa mapanga jenyi hakachi ka yitemo ya lirio.

Izaya 44:5

Umwe mamba ngwenyi, Ami nguli wa Yehova; mukwo maliluka jina lia Yakomba; mukwo masoneka ha kwoko lienyi, Wa mbala wa Yehova, ni kuliwezela jina likwo ngwenyi, Izalele.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 30:22

Mba munupwa atu jami ni yami mungupwa Zambi yenu.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Jeremia 32:38

O kumakapwa atu jami ni yami kumungukapwa Zambi yo.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Ezekiel 36:29

Mungukanupulula ku luchisa wenu mweswe; mungukasanyika mbuto nikuyokesa. Chichi katuma nawa kapunga.

Hosea 1:6

Yaka nawa ufumba, yasema mwana wa pwo, mba Yehova yamba kuli iye ngwenyi, Umuluke jina lienyi, Lo-Ruhama, mumu chichi kuvwila nawa keke munyachi wa Izalele ngukaakonekene.

Hosea 8:2

Kakusanyika kuli yami ngwo, Zambi yami, etu A-Izalele tunakunyingika.

Zakaria 10:9

Chipwe naamwangine hakachi ka mavungu, hindu ku yifuchi ya kusuku makangwiwuluka; mba makatwama ni mwono, makahiluka hamwe ni ana jo.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Zakaria 14:16

Waze eswe makasala ni mwono hakachi ka mavungu eswe akwasa jita ni Yerusaleme makakanduka mwaka ha mwaka kuwayila Mwanangana, mwe Yehova-wa-Tujita, ni kufunga chiwanyino cha yisakila.

Zakaria 14:9

Yehova makeza kupwa mwanangana wa hashi heswe. Ha tangwa lize Yehova makapwa umuwika ni jina lienyi limuwika.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

A-ROMA 3:29

Zambi, Zambi ya A-Yunda wika, nyi? Kapwile Zambi ya akwa mavungu nawa, nyi? Ewa, iye Zambi ya akwa mavungu nawa:

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.