Hosea 2:21 - MUKANDA USANDU WA ZAMBI 1975

²¹ Yehova kanambe ngwenyi, Ha tangwa lize mungukasanyika malilu, ni malilu makasanyika hashi;

Mukanda Wa Zambi 1970

^21-22 Ha tangwa lize mungukakumbulula ku yilemba ya atu jami Aisraele. Mungukanokesa vula hashi, hashi muhakema mbuto ni vinyu ni olive.

Hosea 2:21 Iomraidhean Croise

Izaya 55:10

Chizechene ngwe vula ni neve yakukatuka mwilu, kuyayileko nawa alioze yakutuchika hashi hanga hasokese ni kwima, kuhana mbuto kuli mukwa kukuwa ni mbolo kuli mukwa kulia,

Izaya 62:4

Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.

Izaya 62:5

Mumu chizechene ngwe mukweze kakumbata virgem, chocho ana jenu manumbata; chizechene ngwe sandungi kakwivwa chiseke ni mwe ndungi, chocho nawa Zambi yenu mevwa chiseke ni yenu.

Izaya 65:24

Mungukumbulula shimbu kanda achitambika; shimbu machihanjika mungwivwa.

Ezekiel 36:29

Mungukanupulula ku luchisa wenu mweswe; mungukasanyika mbuto nikuyokesa. Chichi katuma nawa kapunga.

Hosea 14:7

Kumakahiluka, Kumakatwama mu chihuhumuke chenyi. Kumakawaha ngwe chala; kumakatemuna yitemo ngwe mutondo wa uva; lupembo wenyi makapwa ngwe wa Lebano.

Joele 2:19

Yehova yakumbulula atu jenyi ngwenyi, Mungunutuma mbuto, ni vinyu, ni maji, nukakute nayo. Chichi kutá nukasauke nawa hakachi ka mavungu.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.

Malaki 3:10

Nehenu yihanda yeswe ya kumi ku zuwo lia kutulikila hanga mukapwe kulia mu zuwo liami, nukangweseke nacho nyi chanwazulwilile manjanela a malilu nikunuzukwila yiwape ya kulumbama. Chocho kanambe Yehova-wa-Tujita.

Malaki 3:11

Mungunukanjishila mukwa kwonwona alitwamine kwonwona mihuko ya mavu jenu. Mutondo wenu wa uva kuuchi kahona kwima. Chocho kanambe Yehova-wa-Tujita.

Mateu 6:33

Alioze liangenu kufupa wanangana wenyi ni ululi wenyi mba kumanuwezela yino yuma yeswe.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?