Biblia Todo Logo
Bìoball air-loidhne

- Sanasan -




Hosea 2:20 - MUKANDA USANDU WA ZAMBI 1975

20 Mungukakumbata, yami mwene, ni umwenemwene mba kumukanyingika Yehova.

Faic an caibideil Dèan lethbhreac

Mukanda Wa Zambi 1970

20 Mungukamanununa yilakenyo yami hanga ukabwe niwami, muukangutayiza ngwe, nguli Mwene Zambi ye.

Faic an caibideil Dèan lethbhreac




Hosea 2:20
31 Iomraidhean Croise  

Ngunaukolesa ni akwa mwono eswe aze ali hamwe ni yena, ni tujila, ni yimuna, ni tushitu eswe a hashi hamwe ni yena, waze eswe matuhuka mu ulungu chipwe ni tushitu eswe a hashi.


Iye makapatwila mavungu, makasela yiyulo hali minyachi yinji. O makalumuna tutana two akapwe yikungo ya sharua, makalumuna makunga jo akapwe poko ja kululika mitondo ya mihuko. Akwa vungu limwe kechi kasa jita ya katana ni akwa vungu likwo; kechi kalilongesa nawa kwasa jita.


Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.


Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.


Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.


Mungukawahilila ha kwalinga yipema, mungukaatumba mu chifuchi chino ni umwenemwene, ni mbunge yami yeswe, ni mwono wami weswe.


Alioze yoze malisamba alisambe mumu ha kungusa chinyingi ni ha kungunyingika, yami Yehova mukwa kulinga ni utu, ni chize chinalite, ni ululi hashi. Mumu Yehova kanambe ngwenyi, Nakuwahilila ni yuma yino.


Mungukakolesa ni yena usendo wami mba munyingika yami nguli Yehova,


Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.


Mungukakolesa no usendo wa sambukila. Mungukahuma tushitu eswe asasu mu chifuchi, mba mahasa kutwama mu puya ni kupomba mu musenge ni chipi chakuhi.


Mitondo ya mu yambu muyikema mihuko yayo, ni e mavu mahana mbuto yo, mba atu makatwama mu chifuchi cho ni chipi chakuhi; mba makanyingika yami nguli Yehova muze mungukamakuna mbambo ja kuli jo ngukaapulule kuli waze aapichile.


Chocho mungukasolola unene wami ni usandu wami, ni kulisolola yami mwene kumeso ja mavungu anji. Henaho makanyingika yami nguli Yehova.


Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.


Mungukakumbata, yami mwene, ndo ku miaka yeswe. Mungukakumbata, yami mwene, ni ululi, ni upatwilo wa kulita, ni utu wa zango, ni keke.


Mumu nakuzanga utu wa zango, chafupile yitapo; ngunafupu yinyingi ya Zambi, hi milambu ya kulumba ko.


Mwaka wa kuzungula muuheta ndo ku mwaka wa kuhela uva. Mwaka wa kuhela uva muuheta ndo ku mwaka wa kukuwa mbuto. Munukalia nikukuta. Munukatwama mu chifuchi chenu, ni woma ka.


Mungunwaha uhwimino mu chifuchi. Munupomba kanawa, niumwe manuvwisa woma. Munguchiza ngongo api mu chifuchi. Chipwe katana ka jita kechi kupalika mu chifuchi chenu.


Iye kumakapatwila mavungu anji ni kukanjisa mavungu a tachi kusuku; mba kumakalumuna tutana two mu yikungo ya sharua, ni makunga jo makalumuna mu poko ja kululika mitondo. Vungu kulichi kakwata katana kulimika ni vungu likwo. Kechi kalilongesa jita nawa nilimwe tangwa,


Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.


Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.


Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.


Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.


Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.


Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.


Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,


hanga nukende ngwe chinatela Mwene ku upemeno weswe, nukeme mihuko ha yitanga yeswe yipema, nukatatuke ni yinyingi yeswe ya Zambi:


Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.


O kechi kalongesa mweswe mwenyembo wenyi, ni mweswe mwanakwo ngwenyi, Nyingika Mwene: mumu eswe kumakangunyingika, chize kuli mukepe ndo kuli munene wa kuli ayo.


Yetu tuli a kuli Zambi: yoze wakunyingika Zambi kakutwivwa; yoze hi wa kuli Zambi ko keshi kutwivwa. Ku chino tunanyingika Spiritu ya umwenemwene, ni Spiritu ya kupiangula.


Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.


Lean sinn:

Sanasan


Sanasan