Hosea 2:2 - MUKANDA USANDU WA ZAMBI 1975

² Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Mukanda Wa Zambi 1970

² Ana jami, lembejekenu noko, chibwe hi pwo liami ko nawa, ni yami hi nguli nawa lunga lienyi ko. Mulembejekenu alitwamine kulinga utanji.

Hosea 2:2 Iomraidhean Croise

Izaya 11:12

Kumakamika mbandeira hali mavungu, kumakakungulula A-Izalele a kumbilambila, ni kukonga A-Yunda waze anamwangana ku mbango jiwana ja hashi.

Izaya 50:1

Yehova kanambe ngwenyi, Mukanda wa noko, wa kumulakula ulihiwo, uze namulakwile nawo? Nanuhanyine tombo kuli iya hakachi ka akwa mikuli yami? Nwalanjiwile mumu ha uhenge wenu; ha Utanguko wenu ahumine noko.

Izaya 58:1

Kololoka! Kanda utepululako! Zundula liji lie ngwe chitavwi; ambulula kuli atu jami Utanguko wo, ambulula kuli akwa munyachi wa Yakomba milonga yo.

Jeremia 19:3

Muwamba ngwe, Ivwenu liji lia Yehova, yenu mianangana ja Yunda ni akwa Yerusaleme. Yehova-wa-Tujita mwe Zambi ya Izalele kanambe ngwenyi, Ngunaneha chipi chimwe chikalu ha chifuchi chino matwi ja waze machivwa makapwa ni chimbangwinya.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:13

Tayiza uhie we, ngwe hiwakatukila Yehova Zambi ye, nikuzangazanga yilambala mushi lia mutondo weswe wa wisu, ni kwononoka ku liji liami ka. Chocho kanambe Yehova.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Ezekiel 16:20

Wanjile ana je a malunga ni a mapwo aze wangusemene ni kwahana milambu kuli ayo akaahe. Ukoi we te wakeha naye,

Ezekiel 16:25

Ku songo ha tapalo heswe watungile zuwo lie lisuku nikulanjisa upeme we, ni kulihana kuli mweswe mapalika, ni kwokesa ukoi we.

Ezekiel 20:4

Muapatwila, ena mwana mutu, muapatwila? Nyi chocho ukaalweze yuma ya lwaji ya atato,

Ezekiel 23:43

Henaho yingwamba ha kutwala kuli yoze walijilila ni utanji ngwami, Haliapwila malinga nenyi ukoi, neye hamwe no.

Ezekiel 23:45

Alioze akwa ululi makaapatwila ni upatwilo uze akuhana kuli yitanji, ni kuli mapwo aze akumwanga manyinga, se o yitanji, kali ni manyinga ha moko jo.

Hosea 1:2

Muze Yehova wahanjikile kuli Hozea hatangu Yehova wambile kuli Hozea ngwenyi, Yako umbate umwe pwo chikoi ukaseme ana ja ukoi, mumu akwa chifuchi kanalingi ukoi unene ha kwehuka Yehova.

Hosea 2:1

Amba kuli mandumbu je a malunga ngwe, Ami. Amba kuli mapangie ngwe, Ruhama.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 4:5

Munutalinga ha mwalwa, ni profeta matalinga hamwe ni yenu ha ufuku. Mungwonwona noko.

Mika 2:13

Mukwa kulokola kumakaatetekela; o makalokola, makanjila ku chikolo nikutuhukilako. Mwanangana wo makaatetekela; Yehova kulutwe lio.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.