Hosea 2:19 - MUKANDA USANDU WA ZAMBI 1975

¹⁹ Mungukakumbata, yami mwene, ndo ku miaka yeswe. Mungukakumbata, yami mwene, ni ululi, ni upatwilo wa kulita, ni utu wa zango, ni keke.

Mukanda Wa Zambi 1970

¹⁹ Israele, mungukakumbata; mungukabwa wanjika kanda mukwa kushishika. Mungukakulweza utu ni kukuvwila keke; mungukakupwisa niwami ndoo ku miaka yeswe.

Hosea 2:19 Iomraidhean Croise

Miaso (Masamu) 85:10

Utu wa zango ni umwenemwene hiyinatakana hamuwika. Ululi ni sambukila hiyinalimeneka.

Izaya 1:27

Makakula Zaione ni umwenemwene, ni waze malikonyekenamo makaakula ni ululi.

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Izaya 54:6

Mumu Yehova hanakusanyika ngwe pwo lia ulo yoze hamwehuka, kanevu kupiha mu Spiritu yenyi; ngwe umwe pwo lia ulo kanuke ha kumumbila. Chocho kanambe Zambi ye.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Hosea 14:4

Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Joele 3:20

Alioze Yunda kumakatwama ku miaka ya mutolo. Yerusaleme kumuyikatwama chize ku yisemuko ndo ku yisemuko.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Yoano 3:29

Yoze uli ni ndungi, mwe sandungi: alioze kasendo ka sandungi, yoze wakumana nikumwivwa, kakuwahilila chikolo mumu ha liji lia sandungi: uno uwahililo wami kashika unazala tò.

A-ROMA 7:4

Kashika, mandumbu jami, ni yenu nawa hananupwisa afu ku shimbi mumu ha mujimba wa Kristu; hanga nukapwe kuli weka, te kuli yoze amuhindwishile hakachi ka afu, hanga tukeme mihuko kuli Zambi.

2 Korintu 11:2

Mumu ngunanuvwila ukwa umwe wa kuli Zambi: mumu nanulakenyene kuli lunga umuwika hanga ngukanutumbikile kuli Kristu ngwe *virgem wa kulinanga.

Usolwelo 21:2

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.