Hosea 2:15 - MUKANDA USANDU WA ZAMBI 1975

¹⁵ Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Mukanda Wa Zambi 1970

¹⁵ Mungukamuhilwishila minda ya vinyu yize abwile nayo hatangu. Mungukalumuna chikulo chenyi cha lamba kubwa kumwe kuma kwakusa mbunge ni kuhiluka kuli yami Zambi. Mba makangutayiza ngwe chize alingile muze abwile mwana pwo, muze akatukile mu Egiptu.

Hosea 2:15 Iomraidhean Croise

1 Yitanga Ya Mianangana 16:31

Chapwile ngwe chuma chilelu kwenda mu milonga ya Jeroboame mwana Nebate, yawezaho, yambata Jezebele mwana Etabale mwanangana wa A-Sendone mba wayile kulingila Mbale nikumuwayila.

Miaso (Masamu) 106:12

Hohene afulielele maliji jenyi, amwimbilile uhaliso.

Miaso (Masamu) 129:1

Kanji hanangupinjisa chize ku ukweze wami. Izalele ambe haliapwila ngwo,

Izaya 65:10

Sharone muyikapwa ulilo wa mapanga, chikulo cha Akore muchikapwa kuma kwa kuutamina ngombe, ni hali atu jami waze hangufupa.

Izaya 65:21

Kumakatunga mazuwo a kutwamamo; kumakatumba minda ya uva nikulia ye mihuko yamo.

Jeremia 2:1

Liji lia Yehova liejile kuli yami ngwo,

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Jeremia 3:4

Ngwami haliapwila wangusanyika ngwe, Tata, uli sepa lia ukweze wami—

Jeremia 32:15

Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Lungungu 3:21

Alioze chino nawa nakwiwuluka kashika nakutalatala ngwami.

Ezekiel 16:22

Ni ha yitanga ye yeswe ya lwaji, ni ukoi we, kwewulukile matangwa a wana-mapwo we muze wapwile wa uselesele, kushi mazalo, ni kutunya mu manyinga je.

Ezekiel 16:60

hindu yami mungwiwuluka usendo wa yami ni yena ha matangwa a wana-mapwo we, mba mungukakukolesa ni usendo wa mutolo.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Ezekiel 28:25

Mwene Yehova kanambe ngwenyi, Muze mungukakonga munyachi wa Izalele hakachi ka mavungu kuze anamwanganyina, ni kusolola usandu wami muli ayo kumeso ja mavungu, mba makatwama mu chifuchi cho ene chize nahanyine kuli kavumbi kami Yakomba.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Hosea 11:1

Muze Izalele wapwile mwana namuzangile. Ku Engitu nasanyikine mwanami wa lunga.

Hosea 12:13

Kuli profeta Yehova wachijile A-Izalele ku Engitu, ni kuli profeta waafungile.

Hosea 12:9

Ami nguli Yehova Zambi yenu chize ku chifuchi cha Engitu. Mungukanutwamisa cheka nawa mu mbalaka ngwe ha matangwa a yiwanyino ya kufunjika.

Hosea 13:4

Yami nguli Yehova Zambi yenu chize ku chifuchi cha Engitu. Kunwanyingikine Zambi niumwe shina yami, kukushi niumwe chilamwina shina yami wika.

Hosea 2:12

Mungukenyeka mitondo yenyi ya uva ni ya makuyu, yize ayambile ngwenyi, Fweto yami yenayo akwa zango liami anguhele. Mungukayipwisa usaki mba tushitu a mu yambu makayilia.

Amose 9:14

Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Zakaria 9:12

Enu funge nwakutalatala, hilukenu kuma kwenu kwa tachi. Musono ngunanulweze ngwami, Mungukanukundulula yisuho yiali.

Kwalula 21:17

Kwenako embile A-Izalele mwaso uno ngwo, Ena shima, vwelwoka! Limbilenu mwaso.

Yoano 10:9

Chikolo yami; kachi umwe manjilila kuli yami, kumakamulamwina, makanjilanjila, makatuhwoka, makawana kelo.

Yilinga 14:27

Muze te haheta, hakungulula akwa chikungulwila, ambulwile kuli ayo yuma yize yeswe Zambi walingile no, ngwe wazulwile pito lia Ufulielo kuli akwa mavungu.

Yoshua 7:26

Yalumbika hali iye mulumba unene wa mawe. Wasala ndo musono. Mba Yehova watewulukile ku kusasaminya cha utenu wenyi. Kashika jina liako ndo musono ngwo, Chikulo cha Akore.

Akwa Kuyula 8:34

A-Izalele kewulukile Yehova Zambi yo yoze waapulwile ku moko ja akwa kole jo sali ni sali.