Hosea 2:13 - MUKANDA USANDU WA ZAMBI 1975

¹³ Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Mukanda Wa Zambi 1970

¹³ Mungukamumwesa lamba mumu ha matangwa waze anguvulamine muze ochelele hamba Bale yitumbo ya vumba libema, ni muze azalile yingeliengelie yenyi, ni muze akawile masepa jenyi. Yami Mwene Zambi nachamba.

Hosea 2:13 Iomraidhean Croise

1 MIANANGANA 1:2

Ahazia te haholokela ku njanela ya chipatulo cha kwilu mu Samaria; kanayiji. Mba yatuma mikeji ngwenyi, Yénu nuhule kuli Mbale-Zepupe, Zambi ya Ekrone, nyi munguhinduka nyi ka.

1 MIANANGANA 10:28

Chocho Jehu yonwona Mbale ku chifuchi cha Izalele.

1 MIANANGANA 21:3

Watungile cheka nawa manangamo aze tato Hezekia wapuzwile. Watungile yilumbilo kuli Mbale; walingile umwe Ashera ngwe Ahabe mwanangana wa Izalele. Wawayilile mbunga yeswe ya mwilu nikwalingila.

Jobe 8:13

Chocho apwa majila ja waze eswe akavulama Zambi; kutalatala cha chitanganyanyi kumuchlkajimuka.

Miaso (Masamu) 106:13

Alioze kawashi avulamine yitanga yenyi. Katwaminyinyine yiyulo yenyi.

Miaso (Masamu) 106:21

Avulamine Zambi Chilamwina cho yoze walingile yuma yinene mu Engitu,

Miaso (Masamu) 78:11

Avulamine yilinga yenyi, ni yitanga yenyi ya kukomwesa yize aalwezele.

Kutuhuka 32:34

Haliapwila hiyako, ukasongwele atu kuma kuze navulukile kuli yena. Mungelo wami kumakanutetekela alioze ha tangwa lize mungukafwetesa, kumungukaafwetesa mulonga wo.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Izaya 65:7

ni uhenge wo, ni uhenge wa atato; chocho kanambe Yehova mumu hanochela insensu ha milundu, hanangutuku ha mindundena. Mungweseka mu makondo jo fweto ya yize halinga kulu.

Jeremia 11:13

Mumu yenu A-Yunda, mazambi jenu hoka ngwe yihunda yenu, ni yilumbilo yize hinwamika ya kunukolesa sonyi, yilumbilo ya kwochelaho insensu kuli Mbale, yoka ngwe matapalo a mu Yerusaleme.

Jeremia 18:15

Alioze atu jami hananguvulama. Kakwochela insensu mazambi eka. Hanatalinga mu majila jo, mu matapalo akulu, hanakondoloka mu tumajila twa ku malumbu hi tapalo ko.

Jeremia 2:32

Te mwana-pwo mavulama yuma yenyi ya uhenya? Hanji ndungi mavulama mazalo jenyi? Hindu atu jami hananguvulama kwalula matangwa anji kuhiana.

Jeremia 23:2

Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Jeremia 7:34

Mu yihunda ya Yunda ni ha matapalo a Yerusaleme mungusulisa liji lia chiseke ni liji lia uwahililo, ni liji lia sandungi, ni liji lia ndungi, mumu chifuchi muchalumuka puya.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Lungungu 1:4

Majila a kuya ku Zaione kanalinyenge mumu atu kejile ku yiwanyino ya kufunjika. Mapito jenyi keshi atu; asasendote jenyi kanatu mikuma; anenyi a mapwo kanapinji ni mwene kanamono lamba lisasu.

Lungungu 5:14

Makulwana hanehuka chikolo cha chihunda; akweze hanahichika miaso yo.

Ezekiel 16:12

Yingusa kazeya mu mazulu je, ni yingelengele mu matwi je, ni chipangula chipema ha mutwe we.

Ezekiel 16:17

Yiwanda nawa yuma ye ya uhenya upema wa oru yami ni prata yami yize nakuhele, yiulilingila tuponya twa malunga ni kulinga no ukoi.

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 23:35

Kashika Mwene Yehova kanambe ngwenyi, Se hiwanguvulama ni kungumbila kunyima ye, kashika panjika ku yuma yino muyikuwana ha mukunda wa usolo we ni ukoi we.

Hosea 11:2

Cheswe nalikolezele kwasanyika o yalikoleza kukatuka kuli yami. Yawezela kushihila yitapo Ambale nikwochela insensu mahamba.

Hosea 13:1

Ha kuhanjika Eframe, malunga achikimine; wanangamine mu Izalele; alioze wahile ha mulonga wa Mbale, wafwile.

Hosea 13:6

Alioze muze halia hakuta, Mayuka, mba mbunge jo jalifujile; kashika anguvulamine.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Hosea 4:13

Kakushiha yitapo ha mbulwa milundu; kakulambula ha mindundena mushi lia mitondo ya carvalho, ni alamo, ni terebine, mumu chihuhumuke chayo Chinapeme. Kashika anenu a mapwo kakulinga ukoi, ni ndungi jenu kakulinga utanji.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Amose 8:10

Mungukalumuna yiwanyino yenu mu kulishimwoka, ni miaso yenu mu kulila lungungu. Mungukajika mijimba yeswe ni yikeleyi, mungukasa lwole ha mitwe yeswe. Munguchipwisa ngwe kulila hali mwana wa lunga wa wika. Songo liacho mulipwa ngwe tangwa lisasu.

Shimbi 32:18

Kunwasele mbunge Liwe yoze wanusemene. Nwavulamine Zambi chisemi chenu.

Shimbi 6:12

henaho, nukanyame kuchina munuvulama Yehova wanuchijile mu chifuchi cha Engitu, ku zuwo lia upinji.

Akwa Kuyula 10:6

Mba A-Izalele alingile chipi kumeso ja Yehova cheka nawa, nikulingila Ambale ni Asatarote mazambi ja A-Seria, ni mazambi ja A-Sendone, ni mazambi ja A-Moape, ni mazambi ja A-Amone, ni mazambi ja A-Filistea. Yehuka Yehova. Kamulingilile.

Akwa Kuyula 3:7

A-Izalele alingile chipi kumeso ja Yehova nikuvulama Yehova Zambi yo nikulingila Ambale ni Ashera.

1 Samuel 12:9

Alioze yavulama Yehova Zambi yo kashika iye yaalanjisa kuli Sisera kapitau ka tujita twa Hazore, ni kuli A-Filistea, ni kuli mwanangana wa Moape, ashile no jita.