Hosea 2:12 - MUKANDA USANDU WA ZAMBI 1975

¹² Mungukenyeka mitondo yenyi ya uva ni ya makuyu, yize ayambile ngwenyi, Fweto yami yenayo akwa zango liami anguhele. Mungukayipwisa usaki mba tushitu a mu yambu makayilia.

Mukanda Wa Zambi 1970

¹² Mungukenyeka mitondo yenyi ya vinyu ni ya mikuyu, yize akwamba ngwenyi: “Masepa jami e anguhele yo.” Minda yenyi mungukayipwisa puya, tushitu a mu yambu maakayenyeka.

Hosea 2:12 Iomraidhean Croise

Miaso (Masamu) 80:12

Kuchi te hiwapuzula lusaso wacho, hanga waze eswe anapalika akachihele mihuko?

Izaya 29:17

Ngwami, Kulutwe lia shimbu likepe wika mapwisa Lebano ngwe munda wa mihuko, ni munda wa mihuko muupwa ngwe usaki.

Izaya 5:5

Mba mungunulweza chize mungulinga ni munda wami wa uva. Munguchizako lusaso wawo, mba mawenyeka. Mungupuzula chipanga chawo, hanga auliateliate.

Izaya 7:23

Ha tangwa lize kweswako kwapwile kanunu ka miuva ya kufwika kanunu ka shekele ja prata, mukujika ni mikalale ni mingonga.

Jeremia 13:26

Yami mwene munguzundula hina lie ndo ku meso, hanga sonyi je jikamoneke.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 5:17

Kumakalia yize hinwacha ni kulia chenu; kumakalia ana jenu a malunga ni a mapwo. Kumakalia mapanga jenu ni ngombe jenu; kumakalia mitondo yenu ya uva ni ya makuyu. Kumakaonwona ni katana yihunda yenu ya kukolesa yize nunafuliela.

Jeremia 8:13

Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Hosea 13:8

Mungwalundumukina ngwe ursu yoze hamwiya ana jenyi. Mungwapula pambo; kwenako mungwaha ngwe ndumba; ngwe ngongo kakwapapulula.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Hosea 9:1

Ena, Izalele, kanda uwahilila! Kanda ulikwiza ngwe akwa mavungu, mumu hiwalinga ukoi nikuhichika Zambi ye. Hiwazanga fweto ya chikoi ha yizungwilo yeswe.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.