Hosea 2:10 - MUKANDA USANDU WA ZAMBI 1975

¹⁰ Mba mungutukula usolo wenyi kumeso Ja akwa zango lienyi. Niumwe mamupulula ku moko jami.

Mukanda Wa Zambi 1970

¹⁰ Mungukamuzula mahina nikumwecha uselesele ku meso ja masepa jenyi, hanga tutale yoze makamulamwina ku kwoko liami lia ndundo.

Hosea 2:10 Iomraidhean Croise

2 Sango Ja Mianangana 24:7

Mumu ana ja yoze chingulungulu wa pwo Atalia te halumbula zuwo lia Zambi, ni yuma yeswe ya kutumbikila mu zuwo lia Yehova hayihana kuli Ambale.

Miaso (Masamu) 50:22

Zewulenu chuma chino, yenu nwakuvulama Zambi, kuchina mungunupapulula ni yoze manupulula wakuhi.

Yishima 11:21

Kwoko ku kwoko, mutu mupi kechi kasamba; alioze munyachi wa akwa ululi makaapulula.

Izaya 3:17

kashika Mwene makalamba mitwe ya mapwo a mu Zaione ni yilonda, Yehova makaafukula lume.

Jeremia 13:22

Mba nyi muwamba mu mbunge ye ngwe, Kuchi te yino yuma hiyanguwana? Mumu ha mukunda wa unene wa uhenge we, hanakuzula ni kukulumbula.

Jeremia 13:26

Yami mwene munguzundula hina lie ndo ku meso, hanga sonyi je jikamoneke.

Ezekiel 16:16

Yiwanda amwe mazalo je ni kulilingila matembele a uhenya, mba kwenako walingile ukoi. Chuma chino te kanda achimona, chipwe kulutwe kechi kachimona.

Ezekiel 16:19

Chikwo nawa mbolo yami yize nakuhele (mumu nakulishile ni wunga wafufunuka ni maji ni wuchi), wayisele kumeso jo yikapwe ya lupembo mupema. Chocho kanambe Mwene Yehova.

Ezekiel 23:29

mba o malinga ni yena ni kole, ni kukuchiza mihuko ya kuhondangana che, ni kukuhichika wa kufukula, wa uselesele, hanga uselesele wa ukoi we ukafukuke. Usolo we ni ukoi we

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Hosea 13:1

Ha kuhanjika Eframe, malunga achikimine; wanangamine mu Izalele; alioze wahile ha mulonga wa Mbale, wafwile.

Hosea 2:3

Kuchina mungumuzula liakulu, ni kumupwisa ngwe tangwa lize asemukine. Hanji mungumupwisa ngwe puya, ngwe chifuchi chinomu chau lume, nikumushiha ni pwila.

Hosea 6:9

Asasendote halikata hamuwika ngwe yingumba waze akujikinyina mutu. Kakushiha mu jila ya kuya ku Shekeme; ewa kakulinga ungulungulu.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.