Hosea 14:9 - MUKANDA USANDU WA ZAMBI 1975

⁹ Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Mukanda Wa Zambi 1970

⁹ Waze ali ni mana evwe kanawa yuma yize yinasonewa mu mukanda uno, ayifunge mu mbunge. Majila a Mwene Zambi kaali a ululi, akwa ululi kaakwenda mo. Alioze yivulumunyi kaakutalinga, kaakulimbuka, mumu keeshi kwaalula ngwe Chuma.

Hosea 14:9 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Jobe 17:9

Mukwa ululi kanalikoleza mu jila yenyi; mukwa kupema ku moko kanayi nikuliwezela tachi.

Miaso (Masamu) 107:43

Mweswe kali ni mana manyonga yuma yino, makazewula utu wa zango lia Yehova.

Miaso (Masamu) 119:128

Kashika ngunamono ndongo je jeswe ja kutwala ku yuma yeswe ngwami, Jinapeme, mba kunavwila lwaji jila yeswe ya mahuza. Pe

Miaso (Masamu) 119:75

Yehova, ngunanyingika ngwami, Upatwilo we wapwa wa ululi, chikwo nawa mu umwenemwene we wanguyindamishine.

Miaso (Masamu) 84:5

Kawaha yoze uli ni tachi jenyi muli yena; yikoka ya kuya ku Zaione mu mbunge yenyi yili.

Miaso (Masamu) 84:7

Kakuya chize ku tachi ndo ku tachi. Eswe lukombo kakusoloka kumeso ja Zambi mu Zaione.

Yishima 10:29

Jila ya Yehova yapwa ngwe pembo kuli akwa ululi; alioze yapwa kwonwona kuli akwa kulinga uhenge.

Yishima 16:21

Akwa mbunge ja mana maatongola ngwo, Yikanyame. Kuwaha cha mivumbo kuchakwokesa yinyingi.

Yishima 4:18

Alioze jila ya mukwa ululi yapwa ngwe kutemuka cha kucha; chakuliwezela tachi ndo tangwa ha muchima.

Izaya 1:28

Alioze akwa kukolema ni yivulumunyi maonwona hamuwika, ni akwa kwehuka Yehova maanongesa.

Izaya 17:8

Kechi kanyonga nawa yilumbilo yize ya kulinga ni moko jo; kechi katala ku yuma yize ya kulinga ni minwe yo, chipwe Ashera hanji yilumbilo ya insensu.

Izaya 26:7

Jila ya mukwa ululi yinasalama; yena wakusalamisa jila ya mukwa ululi.

Jeremia 29:12

Mba munutambika kuli yami, nikwiza ni kulemba kuli yami mba mungunwivwa.

Jeremia 9:12

Mutu wa mana yoze yuma yino muyimulumbunuka, iya? Yoze hevwa chuma chino ku kanwa lia Yehova akahase kuchilumbununa, iya? Kuchi te chifuchi hachenyeka, hachipihisa ngwe puya, kashika niumwe mapalikilako?

Ezekiel 11:18

Mba ha kuhetako makachizamo yuma yize yeswe ya kuvwisa kupiha, ni yuma yeswe ya lwaji.

Ezekiel 18:25

Hindu nwakwamba ngwenu, Ndako ja Mwene hi ja ululi ko. Ivwenu haliapwila enu akwa munyachi wa Izalele. Kumanyi ndako jami hi ja ululi ko? Nyi ja yenu kujalulamine?

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Daniel 12:10

Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Zefania 3:5

Yehova muchima lienyi mukwa ululi, kalingile nichimwe chipi. Tangwa ha tangwa chimene upatwilo wenyi wa kulita unasoloka; ha kucha cha tangwa keshi kuhona, alioze akwa uhenge keshi sonyi.

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Mateu 11:19

Mwe Mwana Mutu wejile nikulia, nikunwa, o mamba ngwo, Chipulutu, mukwa kuzengewa, kasendo ka akwa kufwetesa lijimu ni yivulumunyi! Alioze mana hanasambe hali ana jenyi.

Luka 2:34

Semone waawahishile, wambile kuli naye Maria ngwenyi, Yono hanamusela ha kulimbuka ni ha kukatuka cha anji mu Izalele; akapwe chilayi chize anachihamikina.

Luka 7:23

Kawaha mweswawo kechi kanguvwila sonyi.

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 8:47

Yoze wa kuli Zambi kakwivwavwa maliji a Zambi: ha chikuma chino yenu kunushi kwevwa, mumu hi nuli akwa Zambi ko.

Yoano 9:39

Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa.

Yilinga 13:10

wambile ngwenyi, Yena mwana Ndiapu, wa tò ni kalimbalimba mweswe ni uzazali weswe, mukwa kole ku ululi weswe, kusolo kulitwamina kuhengesa jila ja ululi ja Mwene, nyi?

A-ROMA 7:12

Chocho shimbi chamwenemwene yisandu, ni chiyulo chisandu, ni cha ululi ni chipema.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!