Hosea 14:8 - MUKANDA USANDU WA ZAMBI 1975

⁸ Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Mukanda Wa Zambi 1970

⁸ Aisraele keechi kakombelela nawa mahamba; mungukakumbulula ku yilemba yo nikwafunga; mungukabwa kuli ayo ngwe mutondo sedru. Yiwape yo yeswe yakukatuka kuli yami.”

Hosea 14:8 Iomraidhean Croise

Jobe 33:27

Memba kumeso ja atu ngwenyi, Navulumwine; nahengesele chize Chinalulama, alioze kangufweteselelecho.

Jobe 34:32

ngulongese chize chamwene; nyi hinalinga uhenge chichi kuchilinga nawa?

Izaya 41:19

Mu puya mungutumba mitondo ya sedru, ni mikesha, ni miluta, ni mitondo ya olevwe. Mungusa mu kango mitondo ya kupresu, ni muzunge, ni mupinyu hamuwika,

Izaya 55:13

Mitondo ya kupresu muyikasoka kusalakana mingonga, ni miluta muyikasoka kusalakana mikalale. Mba chino muchipwa kuli Yehova ngwe Chiwulwiso; chilayi cha mutolo kuchichi kapatuka.

Izaya 60:13

Uhenya wa Lebano muwiza kuli yenu, we kupresu, ni muzunge, ni mupinyu, ya kupemesa nayo kuma kwami kusandu. Mungukasa uhenya kuma kwa yiliato yami.

Ezekiel 17:23

He ha kunangama cha mulundu wa Izalele mungukautumba hanga ukasokese mitango, ni kwima mihuko ukapwe musedru upema. Mushi liawo milali yeswe ya tushitu makatwama; mu chihuhumuke cha mitango yawo milali yeswe ya tujila makatunga yaswa yo.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Luka 15:20

Iye wakatukile, wayile kuli tato. Alioze shimbu achili kusuku chikolo, tato yamumona, yamuvwila keke, yazomboka, yamukangayika mu kondo, yamumbeja chikolo.

Yoano 1:16

Mumu cha ku kulumbama chenyi yetu eswe hitunatambula, ni vumbi ha vumbi.

Efesu 5:9

(mumu mihuko ya pangu yinasoloka ni upeme weswe ni ululi ni umwenemwene);

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Filipu 2:13

mumu yoze wakulinga muli kuyenu iye Zambi, kupala ni kulinga ha kuwaha chenyi.

Filipu 4:13

Kunahasa kulinga yuma yeswe muli yoze wakunguhashisa.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.