Hosea 14:7 - MUKANDA USANDU WA ZAMBI 1975

⁷ Kumakahiluka, Kumakatwama mu chihuhumuke chenyi. Kumakawaha ngwe chala; kumakatemuna yitemo ngwe mutondo wa uva; lupembo wenyi makapwa ngwe wa Lebano.

Mukanda Wa Zambi 1970

⁷ Maakatwama nawa mu chizulie chami. Maakabwa ngwe munda uze unemi mbuto kanawa, ngwe munda wa mihuko yinji ya vinyu. Maakabwa ni lufuma ngwe vinyu ya ku Libano.

Hosea 14:7 Iomraidhean Croise

Miaso (Masamu) 138:7

Chipwe ngunende hakachi ka lamba, yena kumukanguhuzulula. Kumukolola kwoko lia kulimika ni ufwatulo wa akwa kole jami. Kwoko lie lia chindume mulikangupulula.

Miaso (Masamu) 85:6

Kushi kutuhuzulula nawa hanga atu je akawahilile muli yena, nyi?

Miaso (Masamu) 91:1

Yoze watwama muma mwa kuswama mwa mwe Chitunda kumakatwama mu chihuhumuke cha Mukwa-Ndundo-Jeswe.

Mwaso Ubema Wahiana 2:3

Ngwe mutondo wa masá hakachi ka mitondo va mu yambu, chocho mukwa zango liami kapwa hakachi ka akweze. Natwamine mu Chizulie chenyi nikuwahilila chikolo, mihuko yenyi kuyemayo mu kanwa liami.

Mwaso Ubema Wahiana 4:11

Mivumbo ye yinatuhwisa wuchi, ndungi yami. Wuchi ni yamwa yili mushi lia limi lie; vumba lia mazalo je liapwa ngwe lia Lebano.

Mwaso Ubema Wahiana 6:11

Napalumukinyine ku munda wa katapi ngukatale yitemo ya mu chikulo. Ngukamone nyi miuva hiyasa sokoloke, nyi romana hijatemuna yitemo.

Izaya 61:11

Mumu chizechene ngwe mavu kakusokesa mafwo, ni munda wakusokesa yize akuwilemo, chocho Mwene Yehova masokesa ululi ni uhaliso kumeso ja mavungu eswe.

Ezekiel 17:23

He ha kunangama cha mulundu wa Izalele mungukautumba hanga ukasokese mitango, ni kwima mihuko ukapwe musedru upema. Mushi liawo milali yeswe ya tushitu makatwama; mu chihuhumuke cha mitango yawo milali yeswe ya tujila makatunga yaswa yo.

Hosea 14:5

Mungukapwa kuli A-Izalele ngwe mume mba makatanda miji ngwe Lebano nikutemuna yitemo ngwe lirio.

Hosea 2:21

Yehova kanambe ngwenyi, Ha tangwa lize mungukasanyika malilu, ni malilu makasanyika hashi;

Hosea 2:22

ni hashi muhasanyika mbuto, ni vinyu, ni maji; no masanyika Yezerele

Hosea 6:2

Kulutwe lia matangwa aali matuhuzulula; ha tangwa liamuchitatu matuhindwisa, hanga tukende kumeso jenyi.

Zakaria 8:12

Mumu kumukukapwa mbuto ya sambukila ni kuwaha; Mitondo ya uva muyikema mihuko, ni mavu makahana mbuto yako, ni malilu makahana mume wako, mba mungukayukisa masalila ja vungu lino ni yuma yino yeswe.

Yoano 11:25

Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Yoano 12:24

Pundu, pundu, ngunambe kuli yenu ngwami, Lunona wa tiliku matwama ukawenyi shina maholoka hashi, mafwa; alioze kachi mafwa, kachi mema mihuko yinji.