Hosea 14:6 - MUKANDA USANDU WA ZAMBI 1975

⁶ Mitango yenyi muyikatanda; upeme wenyi muupwa ngwe wa olevwe, ni lupembo wenyi ngwe wa Lebano.

Mukanda Wa Zambi 1970

⁶ Maakabwa ngwe mitango yize yinasokoloka, maakabwa abema ngwe mitondo ya olive. Maakabwa ni vumba libema ngwe mitondo sedru ya ku Libano.

Hosea 14:6 Iomraidhean Croise

Ubutukilo 27:27

Yakundama, yamwaha mbeju. Tato yamwivwa vumba lia mazalo jenyi, yamuwahisa ngwenyi, Ivwenu, vumba lia mwanami Liapwa ngwe vumba lia musenge uze hanauwahisa kuli Yehova.

Miaso (Masamu) 128:3

Mukwenu-pwo kumakapwa ngwe chinjinda cha uva chize chakwima mihuko muchima lia zuwo lie. Ana je kumakapwa ngwe mitondo ya olevwe ya kujingilika mesa ye.

Miaso (Masamu) 52:8

Alioze yami nguli ngwe mutondo waolevwe wisu mu zuwo lia Zambi. Kunafuliela utu wa zango lia Zambi ndo ku miaka yeswe ya mutolo.

Miaso (Masamu) 92:12

Mukwa ululi kumakawaha ngwe mungaji. Kumakatatuka ngwe musedru wa mu Lebano.

Izaya 27:6

Ha matangwa a kulutwe Yakomba masoka miji; Izalele matemuna yitemo ni kusokesa mafwo, ni kuzalisa hashi heswe ni mihuko.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Izaya 66:14

Munukamona mba mbunge jenu mujikawaha; yifwaha yenu muyikawaha ngwe mwambu. Muchikafumana ngwo, Kwoko lia Yehova lili hamwe ni tuvumbi twenyi; utenu wenyi unalimika ni akwa kole jenyi.

Jeremia 11:16

Yehova kushi wanutongwele ngwenyi, Muolevwe wa wisu, kuwaha ni mihuko yipema. Alioze makauchocheka kahia ni lundunjila wa kangonga munene, mba mitango yawo yeswe muyiwema.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Mateu 13:31

Waatelele chishima chikwo ngwenyi, Wanangana wa malilu walifwa ngwe limona wa mosetate, yoze anjile mutu, akuwile mu munda wenyi.

Yoano 15:1

Vindera yamwenemwene yami, ni Tata iye njimi.

Filipu 4:18

Alioze yuma yeswe nguli nayo; nguli nayo ya kulumbama: ngunazala tò, se natambwile kuli Epafwonditu yuma yize nwatumine, lupembo mupema, chitapo cha kupemena chikolo kuli Zambi.