Hosea 14:5 - MUKANDA USANDU WA ZAMBI 1975

⁵ Mungukapwa kuli A-Izalele ngwe mume mba makatanda miji ngwe Lebano nikutemuna yitemo ngwe lirio.

Mukanda Wa Zambi 1970

⁵ Mungukabwa kuli Aisraele, ngwe mume mu chifuchi chumu. Mba maakatemuka ngwe yitemo; maakatanda miji ngwe mitondo ya ku Libano.

Hosea 14:5 Iomraidhean Croise

2 Samuel 23:4

Iye mapwa ngwe pangu lia chimenemene ha kuvumbuka cha tangwa, ni malelwa akuhi, muze mwambu wovu unasoko mu mavu, ha mwalwa upema kulutwe lia vula.

1 MIANANGANA 19:30

Mba waze asala a ku munyachi wa Yunda, waze hapuluka, kumakasokesa miji kushi ni kwima mihuko kwilu.

Jobe 29:19

Miji yami muyitanda ku meya, ni mume ha mitango yami ufuku weswe,

Miaso (Masamu) 133:3

Ngwe mume wa ha Hermone, uze wakutuchika ha milundu ya Zaione. Mumu kuze kwene Yehova watumine uwape wa mwono ku miaka ya mutolo.

Miaso (Masamu) 72:16

Kumukukapwa kulumbama cha mbuto mu mavu helu lia milundu. Mihuko yaho kumuyikanyika ngwe Lebano, waze atwama mu chihunda kumakatatuka ngwe mwambu wa hashi.

Miaso (Masamu) 72:6

Kumakapwila ngwe vula ha mwambu wa kuteta, ngwe kavula ka kutuchikisa mavu.

Miaso (Masamu) 80:9

Walulikile muhela wacho. Chatanjile miji; chazalishile chifuchi.

Miaso (Masamu) 92:12

Mukwa ululi kumakawaha ngwe mungaji. Kumakatatuka ngwe musedru wa mu Lebano.

Miaso (Masamu) 92:13

Waze haatumba mu zuwo lia Yehova kumakatatuka mu yize ya Zambi.

Yishima 19:12

Ufwatulo wa mwanangana wapwa ngwe kuhiohia cha ndumba; alioze vumbi lienyi liapwa ngwe mume ha mwambu.

Mwaso Ubema Wahiana 2:16

Mukwa zango liami kapwa niwami, ni yami napwa niwenyi. Kakulisa mapanga jenyi hakachi ka yitemo ya lirio.

Mwaso Ubema Wahiana 4:5

Tulo je japwa ngwe misamba aali a kai, ngwe ana-apasa ja kai aze anali hakachi ka yitemo ya lirio.

Izaya 12:1

Muwamba ha tangwa lize ngwe, Ngunakusakwilila Yehova, mumu chipwe watenukine ni yami, utenu we hiunakondoloka, hiwanguwumbijeka.

Izaya 18:4

Mumu Yehova wambili kuli yami ngwenyi, Kuma kwami kwakutwama munguhwima nikutala, ngwe chivukuminya cha kutemuka ni mwalwa, ngwe lelwa lia mume ha chivukuminya cha kucha.

Izaya 26:19

Afu je matwama ni mwono, mijimba yo muyihinduka. Enu nwaya ku fufuta, laulenu nukembe ni uwahililo! Mumu mume we wapwa wa pangu, mba ha chifuchi cha yizulie muuhinjila.

Izaya 27:6

Ha matangwa a kulutwe Yakomba masoka miji; Izalele matemuna yitemo ni kusokesa mafwo, ni kuzalisa hashi heswe ni mihuko.

Izaya 35:2

Kumuyikatemuna nikulumbama nikuwahilila ni chiseke ni kwimba. Mahanako uhenya wa Lebano, ni ulamba wa Karmela ni Sharone. Kumakamona uhenya wa Yehova ni ulamba wa Zambi yetu.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 45:8

Enu malilu nokesenu kwilu! Kwilu ako! Zukulenu ululi! Ni hashi hapakuke hanga ulamwino usoke, ni ululi ukatatukileko nawa, Yami Yehova nachitangile.

Izaya 57:18

Hinamona ndako jenyi, alioze mungumuwuka. Mungumusongwela ni kumwononona ni kulembejeka, kuli iye ni kuli waze akumulilila.

Izaya 57:19

Yehova kanambe ngwenyi, Uhwimino, uhwimino kuli waze ali kusuku ni waze ali hakamwihi. Mungumuwuka.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 32:41

Mungukawahilila ha kwalinga yipema, mungukaatumba mu chifuchi chino ni umwenemwene, ni mbunge yami yeswe, ni mwono wami weswe.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Mateu 6:28

Mba kuchi te nunalipikala ha mazalo? Lilongesenu ku lirio ya mu yambu, ngwe chize muyitatuka; kuyishi kukilikita, chipwe kuyishi kuhosa:

Luka 12:27

Zewulenu lirio, ngwe chize muyitatuka; kuyishi kukilikita chipwe kuyishi kuhosa; alioze ngwami, Chipwe Solomone mu uhenya wenyi weswe kazalileko ngwe chimwe hakachi kayo.

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

Shimbi 32:2

Longeso liami likasotoke ngwe vula, kuhanjika chami chikapwe ngwe mume, ngwe vula wa kuwayangila ha mwambu wovu, ngwe vula wa chehu ha yiputa.