Hosea 14:4 - MUKANDA USANDU WA ZAMBI 1975

⁴ Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Mukanda Wa Zambi 1970

⁴ Mwene Zambi kanambe ngwenyi: “Atu jami mungukaahilwisa kuli yami. Mungukaazanga ni mbunge yami yeswe, mumu ufwatulo wami hiwahwa.

Hosea 14:4 Iomraidhean Croise

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 20:8

O hanahetama, hanalimbuka: alioze yetu hitwahinduka, tunamana ngú.

Miaso (Masamu) 78:38

Alioze iye nikwivwa keke, waakonekenene uhenge wo, kaajimine. Ewa, kanji kanji watewulwile utenu wenyi; kasungile ufwatulo wenyi weswe.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Izaya 12:1

Muwamba ha tangwa lize ngwe, Ngunakusakwilila Yehova, mumu chipwe watenukine ni yami, utenu we hiunakondoloka, hiwanguwumbijeka.

Izaya 55:1

Mweswawo uli ni pwilé! Eze ku meya. Yoze keshi mbongo, tweya ulande ukalie! Tweya ulande vinyu ni yamwa ni mbongo ka, ni ndando ka.

Izaya 57:18

Hinamona ndako jenyi, alioze mungumuwuka. Mungumusongwela ni kumwononona ni kulembejeka, kuli iye ni kuli waze akumulilila.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 33:6

Kumungukanehako kuhinduka ni kuwuka; mungwawuka nikwasolwela kulumbama cha kuwaha ni kujikiza.

Jeremia 5:6

Kashika ndumba wa ku musenge kumukaashiha; kangunga wa ku puya makaonwona. Changwi kanajikinyina ku yihunda yo, mweswawo matuhukamo mamupapulula; mumu milonga yo yinji, ni chize hanehuka Zambi chahiana.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Ezekiel 33:14

Alioze nyi mungwamba kuli chingulungulu ngwami, Pundu kumuofwa, hindu nyi malumuka ni kuhichika shili yenyi ni kulinga chize chinalite ni shimbi, chize Chinalulama,

Ezekiel 36:36

Henaho mavungu aze asala ha kunujingilika makanyingika yami Yehova hinatungulula yihela ya kupuzula, hinatumba nawa kuze kwapwile kwa kwenyeka. Yami Yehova hinachamba, mba mungukachilinga.

Hosea 11:7

Atu jami hasa mbunge jo akangwehuke, kashika hinaafunjikila kanga mba niumwe maachizayo.

Hosea 2:19

Mungukakumbata, yami mwene, ndo ku miaka yeswe. Mungukakumbata, yami mwene, ni ululi, ni upatwilo wa kulita, ni utu wa zango, ni keke.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Kwalula 25:11

Finehase, mwana wa Eleazare, mwana wa sasendote Arone, hanakondolola utenu wami kuli A-Izalele, mumu te iye yevwa ukwa umuwika ni uze yami nevwile nawa. Chocho chamanwine A-Izalele ni ukwa wami.

Kwalula 25:4

Yehova yamba kuli Mose ngwenyi, Utwale akwa lutwe eswe a atu, wasukike kumeso ja Yehova ha mwalwa, hanga utenu usasu wa Yehova ukakatuke kuli A-Izalele.

A-ROMA 3:24

Se hanatusambisa chawana ku vumbi lienyi, ku ukule uze uli muli Kristu Yesu:

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

Titu 3:4

Alioze muze utu ni kufwila cha Zambi Chilamwina chetu chasolokele,