Hosea 14:3 - MUKANDA USANDU WA ZAMBI 1975

³ A-Asuria kechi kutulamwina; kutuchi kwenda hali tuvwalu; mba kutuchi kamba nawa ngwetu, Zambi yetu ku yuma ya kulinga ni moko jetu. Muli yena ana-ashiwa kakuwana keke.

Mukanda Wa Zambi 1970

³ Aasuria kaahashile kutulamwina, tuvwalu a jita kaahashile kutufunga. Hikutuchi kamba nawa ku mahamba ngwetu, kaali mazambi jetu. Aa Mwene Zambi, yena wakuvwila ana a shiwa keke.”

Hosea 14:3 Iomraidhean Croise

2 Sango Ja Mianangana 16:7

Ha mwaka uze Hanani mukwa kumona yeza kuli Asa mwanangana wa Yunda, yamba kuli iye ngwenyi, Mumu hiwajikijila hali mwanangana wa Seria, kwajikijilile Yehova Zambi ye, kashika mbunga ya tujita twa mwanangana wa Seria hanomboka mu kwoko lie.

Miaso (Masamu) 10:14

Alioze yena hiwachimona, mumu kuwakumona uhuka ni kuhungumiona cha atu. Kumukachifwetesa ni kwoko lie. Mwe mukwa luyinda kakulikunjika kuli yena. Yena uli chikwashi cha ana-ashiwa.

Miaso (Masamu) 146:3

Kanda ufuliela yilolo, hanji umwe mwana mutu yoze keshi kuhasa kukwasa.

Miaso (Masamu) 146:9

Yehova kakufunga njize. Kakujikijisa ana-ashiwa ni tuliwa, alioze jila ya yingulungulu kumakayipwisa yikalu.

Miaso (Masamu) 33:17

Kavwalu wamokomoko ha kulilamwina nenyi, kechi kuhasa kupulula niumwe ni tachi jenyi jinene.

Miaso (Masamu) 68:5

Zambi mu zuwo lienyi lisandu kapwa tato ya ana-ashiwa, kanda sopi ya twamishi a mapwo.

Izaya 1:29

Mumu munuvwila sonyi mitondo yize ya carvalho yize nwawahililile nayo; sonyi mujinujimbisa mitwe mumu ha jardine jize hinwatongola.

Izaya 2:20

Ha tangwa lize atu kumakambila ku kolo ni yinguzu mahamba jo a prata ni mahamba jo a oru, aze alingile hanga akaakombelele,

Izaya 27:9

Kashika ni chuma chino makukila uhie wa Yakomba, ni chino muchipwa mihuko yingunu ha kuchiza shili yenyi; muze mapwisa mawe eswe a yilumbilo ngwe mawe a wunga a kufwenyona tuyifwenyu. Niumwe Ashera, nichimwe chilumbilo cha insensu muchikamana.

Izaya 30:16

Nwambile ngwenu, Hi chocho ko! Mututambwisa tuvwalu twetu. Kashika munukatambuka kukatukako. Nwambile ngwenu, Mutwenda ha tuvwalu a tambu. Kashika akwa kunuhanga makapwa ni tambu.

Izaya 30:2

Kakukatuka akaye ku Engitu kuswamina ku tachi ja Falau, ni kuchinyina ku Chizulie cha Engitu, alioze kanguhulile yami ngukaasongwele.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 31:3

A-Engitu o atu, hi Zambi ko. Tuvwalu two a musunya, hi Spiritu ko. Muze Yehova molola kwoko lienyi, chikwashi matalinga, ni yoze amukwashile malimbuka, mba kumakanonga eswe hamuwika.

Izaya 36:8

Kashika hanenu yifungo kuli mwata wami mwe mwanangana wa Asuria, mba yami mungunwaha tununu aali a tuvwalu nyi yenu munuhasa kusaho akwa kwaendesa.

Jeremia 49:11

Hichikenu ana jenu ashiwa, yami mungwafunga, tuliwa jenu angufuliele yami.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 37:23

Kechi kalichisa nawa ni mahamba jo ni yuma yo ya kuvwisa kupiha, hanji Utanguko wo weswawo, alioze mungukaalamwina ku kukokoloka cho kuze havulumuna. Mungukaapemesa, mba kumakapwa atu jami, ni yami mungukapwa Zambi yo.

Hosea 12:1

Eframe kakulia fuji yamokomoko; kakukaula fuji ya ku Chivumbuko tangwa lieswe. Kakwokesa mahuza ni upupilo; kakulikata ni Asuria; kakutwala maji ku Engitu.

Hosea 13:2

Ni haliapwila kanaliwezela uvulumunyi weka ni weka nikulilingila tuponya twa kuzuzulula, ni mahamba a kulinga ni utotombo ni prata yo. Yeswe, milimo ya yilangaji. Shihilenu yitapo kuli wano ngwo, Atu kakumbejala ana a ngombe!

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Hosea 2:17

Mumu mungukachiza majina ja Ambale ku kanwa lienyi. Kechi kaatongola ni majina jo nawa.

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Hosea 5:13

Muze Eframe hamona musongo wenyi; muze Yunda hamona mbandu yenyi, mba Eframe wayile ku Asuria; yatuma kuli mwanangana wa kulitachika. Alioze aye kahashile kukuwuka chipwe kuwuka mbandu ye.

Hosea 7:11

Eframe kapwa ngwe katele keshi mana, keshi yinyingi. Kakutambika A-Engitu; kakuya ku Asuria.

Hosea 8:6

Mu Izalele umwe chilangaji wamulingile alioze iye hi Zambi ko. Makafwenyona mwana-ngombe wa Samaria.

Hosea 8:9

Mumu hanayi ku Asuria, ngwe chimbulu wa mu yambu wakwenda ukawenyi. Eframe kanafwete akwa kumuzanga.

Yona 2:10

Mba Yehova wahanjikile ni mwe yishi. Yasajila Yona hashi homu.

Zakaria 13:2

Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Yoano 14:18

Chichi kanuhichika ana-ashiwa; mungwiza kuli yenu.

Shimbi 17:16

Chino wika, kanda aliokesela tuvwalu, hanji kuhilwisa atu ku Engitu hanga okese tuvwalu, mumu te Yehova wambile kuli yenu ngwenyi, Kunuchi kuhilukila ku jila yize nilimwe tangwa.