Hosea 14:2 - MUKANDA USANDU WA ZAMBI 1975

² Twalenu maliji nukahiluke kuli Yehova nukambe kuli iye ngwenu, Chiza kama uhenge weswe; tambula kama chize chinapeme mba mutukwaha mihuko ya mivumbo yetu.

Mukanda Wa Zambi 1970

² Hilukenu kama kuli Mwene Zambi, kulemba chino chibwe kama ngwe mulambu ku meso jenyi ngwenu: “Twalemba mwane, tukonekene kama milonga yetu, mba mutukuchichimieka ngwe chize twalakenyene.

Hosea 14:2 Iomraidhean Croise

2 Samuel 12:13

David yamba kuli Natane ngwenyi, Yehova hinamuvulumuna. Natane yamba kuli David ngwenyi, Yehova hakuchiza mutonga we. Kuchi kutwa.

2 Samuel 24:10

Alioze muze hanalula atu mbunge ya David yiyimuhisa. David yamba kuli Yehova ngwenyi, Hinavulumuna chikolo ha kulinga chuma chino, alioze haliapwila ngunalembe, Yehova, Chiza uhenge wa yami kavumbi ke, mumu nalinga ni uhepuke wunji.

Jobe 7:21

Kuchi te kuchi kukonekena mutonga wami, kuchi kuchiza uhenge wami? Mumu haliapwila mungupomba mu mavu; mukangufupa, ami chishiko.

Miaso (Masamu) 119:108

Yehova, ngunaliumbu kuli yena, tambula kama milambu ya mbunge ya mu kanwa liami, mba ungulongese upatwilo we.

Miaso (Masamu) 50:14

Lambulenu kuli Zambi chitapo cha kusakwila. Fwetenu yilakenyo yenu kuli mwe Chitunda.

Miaso (Masamu) 51:16

Mumu kwawahililile ni yitapo, kachi yami nakwahayo. Kwevwile chiseke cha milambu ya kulumba.

Miaso (Masamu) 51:17

Yitapo ya Zambi, spiritu yize yinamakuka. Yena Zambi kushi kulelesa mbunge yize ya kulimakuna nikulikehesa.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Izaya 6:7

Yalisa ku kanwa liami ngwenyi, Chino hichakwata ku mivumbo ye, mba uhie we hakuchizawo, ni shili ye hakukonekenayo.

Jeremia 3:12

Yako ukambe maliji ano nikutalikisa ku Norte ngwe, Yehova kanambe ngwenyi, Mukwa mafwefwe Izalele, hiluka. Chichi kukutala ni utenu mumu nguli mukwa keke. Yehova kanambe ngwenyi, Chichi kutenuka ndo ku miaka yeswe.

Hosea 12:7

Aye kapwa mukwa kusepa wa mbalansa ja kwonga, kakuzanga kupinjisa.

Hosea 5:5

Kulengumuka cha Izalele chakumushindakenya kumeso jenyi; Eframe matalinga ni uhie wenyi; Yunda nawa matalinga hamwe no.

Hosea 6:6

Mumu nakuzanga utu wa zango, chafupile yitapo; ngunafupu yinyingi ya Zambi, hi milambu ya kulumba ko.

Joele 2:17

Asasendote, tuvumbi twa Yehova, akalilime hakachi ka chikolo ni chilumbilo, nikwamba ngwo, Yehova, vwila keke atu je. Kanda uhana chihinga che chikasauke hanga akwa mavungu akachiyule. Muchiwaha akambe hakachi ka mavungu ngwo, Zambi yo kulihi ali?

Yona 2:9

Alioze yami mungukulambula ni liji lia kusakwila; Mungufweta chize hinalakenya ni shingo. Ulamwino unakatuka kuli Yehova.

Zakaria 3:4

Mungelo yamba kuli waze anamana kumeso jenyi ngwenyi, Muzulenu mazalo wano a luchisa. Mba yamba kuli iye ngwenyi, Tala hinakuchiza uhenge we; mungukujika ni mazalo a ndando yinene.

Mateu 7:11

Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?

Luka 11:13

Mba kachi yenu nuli api, nunanyingika kuhana yawana yipema kuli ana jenu, Shinaho chikolo Tatenu wa mwilu mahana Spiritu Musandu kuli waze mamwita, nyi?

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

A-ROMA 11:27

uno we usendo wami kuli ayo, muze mungukuchiza milonga yo.

2 Timoteu 1:9

yoze hanatulamwina, hanatutambika ni kutambika chisandu, hi nikulita ni yitanga yetu ko, alioze nikulita ni upale wenyi mwene ni vumbi lienyi, lize atuhele shimbu miaka kanda yipwa.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 10:4

Mumu manyinga ja ngombe ni ja pembe kechi kuhasa kuchiza milonga.

Hebreu 13:15

Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi.

1 Petulu 2:5

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

1 Petulu 2:9

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa:

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 3:5

Ni yenu nunanyingika hanamusolola hanga akachize milonga, ni muli iye shili yakuhi niyimwe.