Hosea 14:1 - MUKANDA USANDU WA ZAMBI 1975

¹ Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Mukanda Wa Zambi 1970

¹ Aa Aisraele, hilukenu kuli Mwene Zambi, Zambi yenu. Shili yenu yinanutalingisa ni kunulimbwisa.

Hosea 14:1 Iomraidhean Croise

1 MIANANGANA 8:12

Hazaele yamba ngwenyi, Mwene wami, yika nunalilila? Aye yakumbulula ngwenyi, Mumu ngunanyingika yuma yipi yena mulinga kuli A-Izalele. Kumukocha kahia mbonge jo; akweze jo kumukashiha ni katana; kumukapalwola ana jo akemba; kumukahangula tufumba two.

Izaya 19:22

Mba Yehova malamba Engitu, kulamba ni kuwuka, no kumakahiluka kuli Yehova, aye makevwa kulembelela cho; makaawuka.

Jeremia 2:19

Ungulungulu we muukakufumba kukatuka che kuli yami muchikakukanjisa. Nyingika umone chinapu chipi chisasu kukatuka kuli Yehova Zambi ye, woma wa yami wakuhi muli yena. Chocho kanambe Mwene Yehova-wa-Tujita.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Lungungu 5:16

Chipangula hichaholoka ku mutwe wetu. Lamba lietu mumu hitwavulumuna!

Ezekiel 16:46

Yayenu aye Samaria yoze Watwamine ni anenyi a mapwo sali ha ku Norte. Mwanakwenu yoze Watwamine sali ha ku Sule aye Sondome ni anenyi a mapwo.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Ezekiel 33:14

Alioze nyi mungwamba kuli chingulungulu ngwami, Pundu kumuofwa, hindu nyi malumuka ni kuhichika shili yenyi ni kulinga chize chinalite ni shimbi, chize Chinalulama,

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Hosea 12:8

Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Hosea 13:9

Enu A-Izalele mungunwonwona mba iya manukwasa?

Hosea 4:8

Kakulilisa ni shili ya atu jami, kakwivwa kuzo ha uhenge wo.

Hosea 5:5

Kulengumuka cha Izalele chakumushindakenya kumeso jenyi; Eframe matalinga ni uhie wenyi; Yunda nawa matalinga hamwe no.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Hosea 9:13

Ngwe namwene, Ana ja Eframe haasela kwapunda; alioze Eframe makatuhwisa ana jenyi kuli mukwa kushiha.

Hosea 9:7

Matangwa a kastigu hanahete; matangwa a kufwetesa hanahete; mba Izalele makachinyingika. Profeta hanapu chihepuke; mutu wa Spiritu hanapu chizaluke, mumu ha uhenge wenu unene ni kole yenu yinene.

Amose 1:13

Yehova kanambe ngwenyi, Mumu ha milonga yitatu ya A-Amone hanji yiwana, chichi kahilwisa kastigu, mumu yahangula mapwo tufumba mu Ngiliate hanga akatohese manjiza jo.