Hosea 13:6 - MUKANDA USANDU WA ZAMBI 1975

⁶ Alioze muze halia hakuta, Mayuka, mba mbunge jo jalifujile; kashika anguvulamine.

Mukanda Wa Zambi 1970

⁶ Alioze muze hinwanjila mu chifuchi chibema, hinwalia, hinwakuta, henaho yinubutuka kulengumuka ni kunguvulama.

Hosea 13:6 Iomraidhean Croise

Nehemia 9:35

Mumu kakulingilile mu wanangana wo, ni mu upeme we unene waahele, ni mu chifuchi cha chinuno waahele kushi; kasolo kwecha yitanga yo ya ungulungulu.

Miaso (Masamu) 10:4

Chingulungulu mu kulengumuka cha meso jenyi keshi kufupa Zambi. Mu kutaka chenyi cheswe Zambi keshiko.

Yishima 30:9

kuchina hanji mungukuta mba mungulikala yena ngwami, Yehova iya? Hanji kuchina ngupwe chiswale mba ngukeye ni kujilula jina lia Zambi yami.

Izaya 17:10

Mumu hinwavulama mwe Zambi ya ulamwino wenu, kunwewulukile Luliwe lwa uchinyino wenu. Kashika chipwe munutumba mitondo yipema, ni kutumba yitondo ya zambi umwe wa tundaka,

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Ezekiel 23:35

Kashika Mwene Yehova kanambe ngwenyi, Se hiwanguvulama ni kungumbila kunyima ye, kashika panjika ku yuma yino muyikuwana ha mukunda wa usolo we ni ukoi we.

Ezekiel 28:5

Ku mana je anji a kusepa hiwokesa upite we, mba mbunge ye yinalengumuka ni upite we—

Hosea 10:1

Izalele kapwa ngwe mutondo wa uva wa tachi uze wakwima mihuko yawo. Ha kwoka mihuko yenyi yokesa yilumbilo yenyi. Ha kuwaha chifuchi chenyi chocho yapemesa manguji jenyi.

Hosea 12:8

Eframe hanambe ngwenyi, Ewa, alioze nguli pichi, hinapita yuma yinji ya yami mwene. Alioze upite wenyi weswe kuuchi kuhasa kufwika uhie wenyi nilimwe tangwa.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 2:7

Makakaula akwa zango lienyi kechi kaaheta. Makaafupa, alioze kechi kaawana. Mba makamba ngwenyi, Munguya kuli lunga liami mutangu mumu ha matangwa aze yuma yawahile, hi haliapwila ko.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Hosea 4:7

Cheswe anayi nikwoka chocho anaweze kunguvulumuna. Mungwalumuna uhenya wo ukapwe sonyi.

Hosea 5:14

Mumu mungupwa ngwe ndumba kuli Eframe mungupwa ngwe mwevu wa ndumba ku munyachi wa Yunda. Yami, yami mwene mungupapulula ni kukatukako. Mungumbata mba niumwe malamwina.

Hosea 7:14

Katambikile kuli yami ni mbunge, alioze ha mihela yo kakulila mbimbi. Kakukungulukila mbuto ni vinyu; kakungukatukila.

Hosea 8:14

Izalele hanavulama Tangi yenyi, hatunga palasiu. Yunda hanokesa yihunda ya kukolesa, alioze mungutuma kahia ha yihunda yenyi, mukalalisa mbonge jenyi.

Hosea 8:4

Alingile mianangana, alioze hi ni yami ko. Amikine alemu, ami chachinyingikine. Alingile mahamba ja prata ni oru a kulionwona ene.

Shimbi 32:18

Kunwasele mbunge Liwe yoze wanusemene. Nwavulamine Zambi chisemi chenu.